Carretera Federal 186

Vun Wikipedia
Symbol von de Straat

Karte De Carretera Federal 186 (kort MEX 186) is en 574,4 Kilometer lange Bundsstraat in Mexiko. Düsse Överlandstraat löppt von Villahermosa in’n Bundsstaat Tabasco dör de Bundsstaten Chiapas un Campeche na Chetumal in’n Bundsstaat Quintana Roo.

Tohoop mit de MEX 180 is dat de wichtigste Stratentransportweg för allen Verkehr mit’n Rest von Mexiko för de dree Bundsstaten Campeche, Yucatán un Quintana Roo.

Verloop[ännern | Bornkood ännern]

In Villahermosa maakt de MEX 180 en Knick. De Straat kummt ut Westen von Coatzacoalcos un Cárdenas her un löppt denn na Noordoosten na Ciudad del Carmen, Campeche, Mérida un Cancún. Hier fangt de MEX 186 an un löppt mit en Brügg över’n Río Grijalva un denn toeerst na Süüdoosten in en Bagen an Macuspana (Brügg över’n Río Puxcatan), Bajada Grandes, Las Campanas (Brügg över’n Río Tulijá) un Catazajá (Ansluss an de MEX 199) langs. Bi Emiliano Zapata is se an de MEX 203 anbunnen. Dor dreiht se na Noordoosten, vörbi an Chablé (Brügg över’n Río Usumacinta) un El Aguacatal (Brügg över’n Río Chumpan) un denn över’n Río Candelaria un an Ojo de Agua langs. Na Süüdoosten geiht de MEX 221 af.

Bi Dieciocho de Marzo geiht na Noorden de MEX 259 af un de MEX 186 dreiht na Oosten. Se löppt dör Escárcega (Ansluss an de MEX 261), Centenario, Constitución, Nuevo Conhuás, Xpujil (Ansluss an de CAM 269), Tomás Aznar, Nicolás Bravo, Francisco Villa, Nachi Cocom, Jesús González Ortega, Sergio Buitrón Casas un Carlos A. Madrazo. Bi Xul-Ha geiht na Noordoosten de MEX 307 af, de över Bacalar un Playa del Carmen na Cancún föhrt. De MEX 186 löppt nu op de letzten Kilometer över Huay-Pix na Chetumal. Kort vör Chetumal geiht na Süden noch en Straat na Subteniente López un den Grenzövergang mit Belize af (Övergang to’n Philip Goldson Highway).

In Chetumal ennt de Straat an de Küst von de Karibische See (Bucht von Chetumal).