Subteniente López

Vun Wikipedia
Wapen/Flagg Koort
hett keen Wapen
Subteniente López
Laag vun Subteniente López in Mexiko
Basisdaten
Bundsstaat: Quintana Roo
Municipio: Othón P. Blanco
Inwahners: 1.915 (2010-00-002010)
Hööchd: 8 m över de See
Postleettall: 77900
Vörwahl: 983
Geograafsche Laag:
Koordinaten:18° 30′ N, 88° 24′ W
18° 30′ N, 88° 24′ W

Karte

Blick op’n Río Hondo von de Brügg ut keken

Subteniente López is en Oort in dat Municipio Othón P. Blanco, Bundsstaat Quintana Roo, Mexiko. Stand 2010 harr de Oort 1915 Inwahners.

Geografie[ännern | Bornkood ännern]

De Oort liggt op de Halvinsel Yucatán an dat Noordöver von’n Río Hondo. Direkt op dat annere Över von’n Río Hondo liggt dat Land Belize. An’n Noordrand von Subteniente López doot de beiden Cenotes Laguna Encantada un Laguna Negra liggen. In de Neegd liggt ok de Laguna Milagros.

De Öörd ümto sünd Bacalar in’n Noorden, Calderitas un Chetumal in’n Noordoosten, Consejo in’n Süüdoosten, Santa Elena (mit de Corozal Free Zone) un Corozal in’n Süden, Chan Chen in’n Süüdwesten, Juan Sarabia in’n Westen un Huay-Pix un Xul-Ha in’n Noordwesten.

Historie[ännern | Bornkood ännern]

Kark in Subteniente López

De Oort is fröher ok Santa Elena nöömt worrn, jüstso as de Naveroort op dat Süüdöver von’n Río Hondo in Belize. 1936 hett de Oort aver ünner de Linksregerung von’n Guvernör Rafael E. Melgar den ne’en Naam Subteniente López kregen. Subteniente is Spaansch för Sekondeleutnant. De Offzeer Rosalino López is in de Tied von’n De-la-Huerta-Opstand 1924 in Chetumal doodschaten worrn.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Straat, de na’n Grenzövergang föhrt

Subteniente López liggt an de Straat, de von de MEX-186 afgeiht un över de Grenz na Belize löppt. In Belize geiht düsse Straat as Philip Goldson Highway wieder över Corozal un Orange Walk na Belize-Stadt. De MEX-186 löppt in’n Oosten na de Grootstadt Chetumal un in’n Westen na Escárcega un de Westküst von Yucatán. In’n Noorden löppt de MEX-307 över Bacalar na Felipe Carrillo Puerto, Tulum un Cancún.

De aktuelle Brügg över’n Río Hondo, de in’n Westen üm’n Oort rümlöppt, is von 2007 bet 2013 boot worrn. De ole Straat un Brügg güngen merrn dör’n Oort.

De nächste Flegerhaven is de Aeropuerto Internacional de Chetumal.

Literatur[ännern | Bornkood ännern]

  • Ligia Sierra Sosa: Subteniente López. Un pueblo en la frontera de México-Belice. 1994

Weblenken[ännern | Bornkood ännern]

Subteniente López. Mehr Biller, Videos oder Audiodateien to’t Thema gifft dat bi Wikimedia Commons.