Municipio (Mexiko)

Vun Wikipedia
Zur Navigation springen Zur Suche springen
Koort mit de Gemeengrenzen

En Municipio is en Verwaltungseenheit in Mexiko, in de de Bundsstaten (Estado) indeelt sünd.

Översett bedüüdt de Begreep Gemeen, man in welk von de Bundsstaten gifft dat Municipios, de von de Grött her mehr mit en Landkreis to verglieken sünd. Dat Municipio Ensenada is mit 51.952 km² sogor grötter as dat düütsche Bundsland Neddersassen, wieldes dat Municipio Natividad blots 2,22 km² groot is. De Inwahnertall reckt von Ecatepec de Morelos mit 1.656.107 bet Santa Magdalena Jicotlán mit 93. Besünners in dat Zentrum von Mexiko sünd de Municipios traditschonell lütt, in’n Noorden un Oosten dorgegen grötter. In en Municipio doot een oder mehr Öörd (Localidades) liggen. Wenn dat mehr sünd, denn warrt in de Regel de gröttste Oort Seet (Cabecera) von dat Municipio.

Stand 1. Januar 2018 geev dat in de 31 Bundsstaten von Mexiko 2448 Municipios.

Dat Municipio is siet 1917 in de Verfaten von Mexiko in Artikel 115 defineert. In en Municipio warrt en Raad (Ayuntamiento) wählt, den en direkt wählten Präsident (Presidente Municipal) vörsteiht. Siet 1983 dröfft Municipios Grundstüürn intehn un hebbt dormit egen Innahmen. De gröttere Deel von dat Geld kummt liekers ok vondaag noch von de Regeren.

Mexiko-Stadt is en Utnahm un is sülvs keen Municipio un ok nich in Municipios indeelt. De Stadt hett densülven Rang as en Bundsstaat un is in 16 Delegaciones indeelt.

Opgaven[ännern | Bornkood ännern]

Dat Municipio is tostännig för:

  • Water un Afwater
  • Sammeln un Entsorgen von Affäll
  • Märkten un Versorgungszentren
  • Stratenlicht
  • Apentliche Sekerheit in’n Sinn von § 21
  • Verkehr
  • Karkhööv
  • Straten, Parks un Goorns

Tosätzlich köönt natschonale oder bundsstaatliche Opgaven von de tostännige Regerung överdragen warrn. Dor tellt düsse Opgaven to:

  • Utbildung
  • Nood- un Gesundheitsdeensten
  • Ümweltschuul
  • Pleeg von Denkmaals un histoorsche Steden

Weblenken[ännern | Bornkood ännern]

Commons-logo.svg Municipio (Mexiko). Mehr Biller, Videos oder Audiodateien to’t Thema gifft dat bi Wikimedia Commons.