Albion Island

Vun Wikipedia
Zur Navigation springen Zur Suche springen

Albion Island is en üm un bi 48 km² groot Warder in’n Distrikt Orange Walk von Belize, dat von twee Arms von’n Hondo River billt warrt. De linke Arm von’n Hondo River billt dorbi de Staatsgrenz twüschen Belize un Mexiko.

Dat Eiland is 20 Kilometer lang un twüschen een un veer Kilometer breed. Op dat Eiland doot de dree Dörper Santa Cruz, San Antonio un San Roman liggen. In San Antonio un San Roman gifft dat Brüggen över’n rechten Arm, över den linken Arm gifft dat narms en Verkehrsweg. Inoffiziellen Grenzverkehr gifft dat per Boot, de nächste offizielle Grenzövergang na Mexiko liggt 60 Kilometer in’n Noordoosten in Santa Elena.

Von geoloogsch Intress is de Fakt, dat op Albion Island de Kried-Paläogen-Grenz sichtbor opslaten is. Düsse Grenzlien wiest den Övergang von de Kried to dat Paläogen vör 65 Milljonen Johren, as en Meteorit den Chicxulub-Krater billt hett un de Dinosauriers utstorven sünd. Albion Island is üm un bi 365 Kilometer von de Steed weg, an de de Meteorit inslahn is.


Koordinaten:18° 9′ N, 88° 41′ W