All Pines

Vun Wikipedia

All Pines weer en Dörp in’n Distrikt Stann Creek von Belize.

Geografie[ännern | Bornkood ännern]

De Oort leeg an de Küst von de Karibische See twüschen de Öörd Hopkins un Riversdale un twüschen den Stroom Sittee River un de Sapodilla-Laguun. In’n Noordwesten liggt de Oort Sittee River.

Historie[ännern | Bornkood ännern]

Dat Dörp is in de Midd von dat 19. Johrhunnert anleggt worrn. Dat weer en Fischerdörp un lütten Haven. In dat Achterland von All Pines legen de Zuckerplantaaschen von Regalia un Serpon (mit de Serpon Sugar Mill). Över den Haven von All Pines sünd de Produkten von de Plantaaschen un ok Fuhrenholt aftransporteert worrn. De Zuckerplantaaschen sünd üm 1910 rüm ingahn, as sik de Zuckerweertschop in Belize in de Distrikte Orange Walk un Corozal verlagert hett. In de Midd von dat 20. Johrhunnert güng dat ok mit’n Fuhrenhannel bilütten bargdal un de Oort is denn toletzt in de Johren 1960 verlaten worrn. 1946 harrn de Öörd All Pines un Sittee River tohoop 538 Inwahners.


Koordinaten:16° 48′ N, 88° 18′ W