Michel Chebat

Vun Wikipedia
Zur Navigation springen Zur Suche springen

Michel Hannah Chebat (* 23. Mai 1969 in Belize-Stadt) is en Avkaat un Politiker (PUP) ut Belize.

Chebat is 1969 in Belize-Stadt boren. He hett an de Florida International University en Bachelor of Arts in International Relations maakt un denn Juristeree studeert. Dorför weer he an de University of the West Indies in Mona (Jamaika) un hett dor en Bachelor of Laws kregen un denn an de Norman Manley Law School in Kingston dat Legal Education Certificate. He is 1997 as Avkaat beropen worrn un hett von 1997 bet 2008 tohoop mit Lisa Shoman de Kanzlie Shoman & Chebat bedreven. Nu arbeidt he in sien egen Kanzlie M.H. Chebat & Co.

He weer von’n 1. September 2006 bet Februar 2008 Vörsitter von dat Social Security Board von Belize. 1999 is he Sekretär von’n Avkatenvereen von Belize (Bar Association of Belize) worrn un later Präsident. 2011 hett Chebat den Titel von en Senior Counsel kregen.

Bi de Parlamentswahl in Belize 2015 weer he Kannedaat för de PUP in’n Wahlkreis Cayo Noord. He hett 48,05 % von de Stimmen kregen un kunn sik dormit nich gegen Omar Figueroa von de UDP dörsetten.

Chebat is siet Juni 2019 as Nafolger von Eamon Courtenay för de Oppositschoonspartei PUP Maat von’n Senaat von Belize.[1]

Footnoten[ännern | Bornkood ännern]

  1. Aaron Humes: Eamon Courtenay resigns as Senator, Breaking Belize News an’n 21. Juni 2019