Omar Figueroa (Politiker)

Vun Wikipedia

Omar Figueroa (* San Ignacio) is en Bioloog un Politiker ut Belize von de United Democratic Party (UDP).

Figueroa is in San Ignacio boren un opwussen.[1] He hett Biologie studeert un weer Projektkoordinater in Belize för dat Programm Birds without Borders. Von 2009 bet 2012 weer he in’n Rahmen von sien Dokterarbeid an de University of Florida Feldbioloog bi en Jaguar-Projekt in Belize.[2]

2009 is he von de UDP as Senater in’n Senaat von Belize nomineert worrn, nadem Deborah Mencias-McMillan den Senaat verlaten hett.[3]

Nadem Joseph Mahmud sien Mandaat för dat Repräsentantenhuus in’n November 2014 dalleggt hett, hett dat in’n Wahlkreis Cayo Noord an’n 5. Januar 2015 en Nawahl geven. Figueroa weer bi düsse Nawahl Kannedaat för de UDP un is mit 66,4 % von de Stimmen wählt worrn.

Figueroa weer bi de Parlamentswahl in Belize 2015 wedder UDP-Kannedaat in’n Wahlkreis Cayo Noord un is mit 51,09 % von de Stimmen in dat Repräsentantenhuus wählt worrn. He weer denn ok Staatsminister in dat Ministerium för Bueree, Fischeree, Ümwelt un nahöllern Entwicklung. Nadem Edmond Castro Minister worrn is, müss he dat Amt as Viez-Spreker von dat Repräsentantenhuus afgeven. Düt Amt hett in’n Dezember 2016 denn Figueroa övernahmen.

Footnoten[ännern | Bornkood ännern]

  1. Adele Ramos: Omar Figueroa takes oath of allegiance in Parliament, Amandala an’n 23. Januar 2015
  2. Dr. Omar Figueroa elected as new Area Rep for Cayo North, San Pedro Sun an’n 6. Januar 2015
  3. Jaguar Man Will Become UDP Senator, 7 News Belize an’n 16. Juli 2009