John Birchman Saldivar

Vun Wikipedia

John Birchman Saldivar (* 6. Oktober 1967[1]) is en Politiker ut Belize (UDP).

Leven[ännern | Bornkood ännern]

Saldivar is 1967 boren un leevt in Belmopan.

Politik[ännern | Bornkood ännern]

Bi de Parlamentswahl in Belize 1998 weer he Kannedaat för de UDP in’n Wahlkreis Cayo Süüd un hett de Wahl mit 29,74 % von de Stimmen gegen Agripino Cawich von de PUP verloren. Ok bi de Wahl 2003 weer he wedder in’n Wahlkreis Cayo Süüd Kannedaat un hett dütmaal mit 49,17 % von de Stimmen knapp gegen Cawich verloren.

Cawich is denn aver an’n 8. August 2003 doodbleven un dat hett an’n 29. Oktober 2003 en Nawahl in’n Wahlkreis Cayo Süüd geven. Bi düsse Wahl hett sik Saldivar mit 50,48 % von de Stimmen knapp gegen Cawich sien Söhn Joaquin Cawich von de PUP dörsett.

Bi de Wahl 2008 sünd de Wahlkreise in’n Distrikt Cayo nee tosneden worrn un Saldivar is nu in’n Wahlkreis Belmopan antreden. He hett de Wahl mit 55,68 % von de Stimmen gegen Rolando Zetina von de PUP un Paul Morgan von de VIP wunnen.

Ok bi de Wahlen 2012 (49,53 % von de Stimmen gegen Amin Hegar, PUP, un Richard Smith, PNP) un 2015 (53,92 % gegen Patrick Jason Andrews, PUP, un Charles Leslie Jr., BPP) kunn he sik in’n sülven Wahlkreis wedder dörsetten.

Dormit is he siet 2003 Afornten von dat Repräsentantenhuus von Belize.

Ünner Premierminister Dean Barrow (Kabinett Barrow I) weer he von Februar 2008 bet 9. März 2012 Minister för Apentlichen Deenst, Verbetern von dat Regerungssystem un Wahlen un Grenzen. An’n 1. Juni 2010 hett he von Elvin Penner tosätzlich dat Themenfeld Sport övernahmen.

In dat Kabinett Barrow II un III weer he von Februar 2012 bet 1. August 2016 Minister för Natschonale Sekerheit. In dat Ministerium för Natschonale Sekerheit sünd 2012 dat Ministerium för Verdeffenderen un dat Ministerium för Polizei tohoopfaat worrn, de vörher trennt weren. An’n 1. August 2016 is dat Ministerium för Natschonale Sekerheit opdeelt worrn in en Ministerium för Verdeffenderen un en Ministerium för Polizei un Apentliche Sekerheit. Saldivar hett dat Themenfeld Verdeffenderen behollen un Godwin Hulse is nu för de Polizei tostännig.

Vör de Parlamentswahl 2020 is Saldivar bi de Wahl to’n UDP-Parteivörsitter un Spitzenkannedaat an’n 9. Februar gegen Patrick Faber antreden un kunn sik gegen em dörsetten.[2]

Footnoten[ännern | Bornkood ännern]

  1. Belize Public Service Staff List 2014
  2. Saldivar defeated Faber, Amandala an’n 9. Februar 2020