Godwin Hulse
Godwin Hulse (* 20. Dezember 1948) is en Politiker ut Belize von de United Democratic Party.
Leven[ännern | Bornkood ännern]
Hulse is 1948 boren.[1] He is verheiraadt mit Eleanor Hulse un hett söss Kinner.[2] He is de Unkel von de Löperin Marion Jones.
Hulse weer Präsident von de Hannelskamer von Belize.[2]
An’n 17. November 2017 Klock negen weer Hulse tohoop mit Patrick Faber un negen annere Lüüd in en Fleger von Tropic Air, de op’n Placencia Airport jüst loosflegen wull na Punta Gorda, as en Fohrtüüg op de Startbahn ünnerwegens weer.[3] De Fleger un dat Fohrtüüg sünd tophoopstött un de Fleger is in de Karibische See stört.[3] De Lüüd in’n Fleger un in dat Fohrtüüg hebbt aver all överleevt.[3]
Politik[ännern | Bornkood ännern]
Hulse is 2003 un 2008 as Repräsentant von de Ünnernehmers in Belize as Maat in’n Senaat von Belize wählt worrn.[2][4] 2012 hett Mark Lizarraga em as Repräsentant von de Ünnernehmers aflööst. Hulse is aver Maat von’n Senaat bleven un 2012 un 2015 as Repräsentant von de Regeren in’n Senaat intagen.
An’n 14. März 2012 is he in dat Kabinett Barrow II Minister för Arbeid, Lokale Verwaltung un Ländliche Entwicklung worrn un hett söss Maand later tosätzlich de Rebeden Inwannerung un Staatsbörgerschop dortokregen. Ok för Katastrofenmanagement weer he tostännig.
An’n 9. November 2015 is he in dat Kabinett Barrow III Minister för Natürliche Ressourcen un Immigratschoon worrn.
An’n 1. August 2016 hett he as Minister ok noch dat Rebeed Polizei in sien Portfolio övernahmen, nadem John Birchman Saldivar sien Ministerium för Natschonale Sekerheit opdeelt worrn is in Verdeffenderen un Polizei.[5] Düt Ministerium hett he aver al an’n 19. Oktober 2016 wedder afgeven müsst an Dean Barrow.[6]
Nadem Gaspar Vega sien Amt an’n 17. Oktober 2016 afgeven müss, hett Hulse von em dat Ministerium för Bueree, Försteree, Fischeree, Ümwelt un nahöllern Entwicklung övernahmen un den Ministerposten för Natürliche Ressourcen afgeven. Dat Themenfeld Immigratschoon hett he aver behollen.
Footnoten[ännern | Bornkood ännern]
- ↑ Belize Public Service Staff List 2014
- ↑ a b c Godwin Hulse named Senator, Channel 5 an’n 28. März 2003
- ↑ a b c Duane Moody: Tropic Air Plane, with Ministers and Others Inside, Sinks after Clipping Vehicle at Airstrip, Channel 5 Belize an’n 17. November 2017
- ↑ Godwin Hulse Elected Business Sector Senator, 7 News Belize an’n 27. Februar 2008
- ↑ GOB makes changes to Cabinet, San Pedro Sun an’n 5. August 2016
- ↑ Cabinet Reshuffles for Second Time This Year; Godwin Grabs Agriculture, P.M. takes Police, Channel 5 Belize an’n 19. Oktober 2016
–1981: Florencio Marin Sr. | 1984–1989: Dean Lindo | 1989–1993: Michael Espat | 1993–1998: Russell Garcia | 1998–2003: Daniel Silva | 2003–2004: Servulo Baeza | 2004–2006: Michael Espat | 2006–2008: Juan Vildo Marin | 2008–2012: Rene Jaime Montero | 2012–2016: Gaspar Vega | 2016–: Godwin Hulse
1989–1993: Glenn Godfrey | 1993–1998: Henry Young | 1998–2004: Johnny Briceño | 2004: Juan Vildo Marin | 2004–2007: Johnny Briceño | 2007–2008: Florencio Marin Sr. | 2008–2012: Gaspar Vega | 2012–2015: Lisel Alamilla | 2015–2016: Gaspar Vega | 2016–: Godwin Hulse