National Emergency Management Organization

Vun Wikipedia

De National Emergency Management Organization (NEMO) is en Behörde von Belize, de för’n Katastrofenschuul in dat Land tostännig is. De NEMO hett ehren Seet in dat NEMO Building an de Melhado Parade in Belmopan.

To de NEMO höört dat Kabinett von Belize ünner Vörsitt von’n Premierminister, de Kabinettssekretär, dat NEMO-Sekretariat un 13 Komittees, de sik üm sünnere Themen kümmert.

Tosätzlich sünd dat Rode Krüüz von Belize, de Belize Teachers Union, de Chief Meteorological Officer, de Kummandant von de Belize Defence Forces un de Commissioner von dat Belize Police Department Maat.

Dat gifft negen District Emergency Committees. Een för jeden Distrikt von Belize un tosätzlich een för de Rebeden von de Hööftstadt Belmopan un de Eilannen von Ambergris Caye (mit de Stadt San Pedro Town) un Caye Caulker.

Historie[ännern | Bornkood ännern]

In’n Oktober un November 1998 is Hurrikan Mitch över Middelamerika tagen. De Storm is nich direkt över Belize tagen un hett dat Land blots middelswoor bedrapen. Liekers hett dat to een Tied so utsehn, as wenn de Storm dat Land villicht direkt bedrippt un lieker swoor warrn kunn as Hurrikan Hattie 1961, de de gröttste natschonale Katastroof in de Geschicht von Belize weer. Dorüm hett Belize beslaten, för de Tokumst beter vörbereidt to ween, wenn dat wedder to en sworen Hurrikan oder en annere Katastroof kummt.

NEMO is denn in’n Februar 1999 grünnt worrn. Anthony Sylvestre Sr. is de eerste National Disaster Coordinator worrn.

Ministers[ännern | Bornkood ännern]

As Ministers tostännig för NEMO weren:

von bet Minister Partei
15. Oktober 2001 7. März 2003 George Cadle Price PUP
7. März 2003 5. Januar 2004 Sylvia Flores PUP
5. Januar 2004 Februar 2008 Godfrey Smith PUP
Februar 2008 März 2012 Melvin Hulse UDP
März 2012 9. November 2015 Godwin Hulse UDP
9. November 2015 19. Oktober 2016 Rene Jaime Montero UDP
19. Oktober 2016 Edmond Castro UDP

Weblenken[ännern | Bornkood ännern]