Rene Jaime Montero
Rene Jaime Montero (* 20. November 1947 in San Ignacio) is en Politiker ut Belize (UDP).
Montero is 1947 in San Ignacio boren.[1] He weer op de Michigan State University in East Lansing (USA) un het dor en Bachelor of Science in Deerwetenschoppen maakt. Nadem he ut de USA trügg weer, hett he an de Buereeschool in Central Farm arbeidt.
Bi de Parlamentswahl in Belize 2003 weer he Kannedaat för de UDP in’n Wahlkreis Cayo Zentraal, kunn sik aver mit 46,64 % von de Stimmen nich gegen Mario Castellanos von de PUP dörsetten. Bi de Wahl 2008 is he wedder antreden un hett Castellano mit 61,38 % von de Stimmen slahn.
Ok bi de Wahl 2012 harr he mit 49,72 % de Bavenhand över Collet Emmanuel Montejo von de PUP. Bi de Wahl 2015 hett he mit 51,19 % gegen Daniel Silva von de PUP wunnen.
Dormit is Montero siet 2008 Afornten in dat Repräsentantenhuus.
Montero weer von 2008 bet 2012 ünner Premierminister Dean Barrow Minister för Bueree (Kabinett Barrow I). In dat Kabinett Barrow II un Kabinett Barrow III weer he denn Minister för Verkehr un Katastrofenmanagement un Minister för Apentliche Arbeiden. In düsse Tied is he 2013 ok Vörsitter von de Belize Infrastructure Limited worrn. De Themenrebeden Verkehr un Katastrofenmanagement sünd an’n 24. Oktober 2016 in en egen Ministerium utlagert worrn, dat Edmond Castro övernahmen hett. Montero weer dormit as Minister blots noch för Apentliche Arbeiden tostännig.
Footnoten
[ännern | Bornkood ännern]
–1981: Florencio Marin Sr. | 1984–1989: Dean Lindo | 1989–1993: Michael Espat | 1993–1998: Russell Garcia | 1998–2003: Daniel Silva | 2003–2004: Servulo Baeza | 2004–2006: Michael Espat | 2006–2008: Juan Vildo Marin | 2008–2012: Rene Jaime Montero | 2012–2016: Gaspar Vega | 2016–: Godwin Hulse