Agripino Cawich

Vun Wikipedia
Zur Navigation springen Zur Suche springen
Agripino Cawich

Agripino „Pino“ Cawich (* 1946 oder 1947 in San Narciso; † 8. August 2003 in Little Rock, Arkansas) weer en Politiker ut Belize (PUP).

Leven[ännern | Bornkood ännern]

Cawich is in San Narciso in’n Distrikt Corozal boren.[1]

Cawich hett Entomologie studeert un eerst an de Universität von Florida en Bachelor-Afsluss maakt un denn en Master an de Universität von Arizona.[2][1] Na dat Studium hett he 21 Johr lang in de Bueree arbeidt, ünner annern in de Zuckerindustrie för Belize Sugar Industries.[2][1]

He weer verheiraadt mit Anna Gloria Ramirez Cawich. De beiden harrn söss Kinner.[1]

An’n 8. August 2003 is Cawich an Kreeft storven. To de Tied von sien Dood hett he sik in de USA ophollen, üm sik in dat UAMS Medical Center in Little Rock behanneln to laten. Cawich hett en Staatsgräffnis kregen un is op’n Karkhoff in Belmopan begraven worrn.

Politik[ännern | Bornkood ännern]

Bi de Parlamentswahl in Belize 1998 weer he Kannedaat för de PUP in’n Wahlkreis Cayo Süüd un hett de Wahl mit 62,24 % von de Stimmen gegen John Birchman Saldivar von de UDP wunnen. Bi de Wahl 2003 weer he in’n sülven Wahlkreis Kannedaat un hett sik mit 49,55 % von de Stimmen wedder gegen Saldivar von de UDP dörsett. Fiev Maand na de Wahl is Cawich doodbleven. Dorüm hett dat an’n 29. Oktober 2003 en Nawahl in’n Wahlkreis Cayo Süüd geven, in de John Birchman Saldivar gegen Cawich sien Söhn Joaquin Cawich wunnen hett.

Dormit weer Agripino Cawich von’n 27. August 1998 bet to sien Dood an’n 8. August 2003 Afornten von dat Repräsentantenhuus von Belize. He weer in düsse Tied ok Staatsminister in dat Ministerium för Finanzen un för Binnensaken.

Ehren[ännern | Bornkood ännern]

An’n 5. Juli 2005 is em to Ehren de ne’e Brügg över’n Belize River an de Straat von Camalote na Valley of Peace Agripino Cawich Bridge nöömt worrn.

Footnoten[ännern | Bornkood ännern]

  1. a b c d House member succumbs to cancer, Channel 5 Belize an’n 11. August 2003
  2. a b Five candidates contest Cayo South, Channel 5 Belize an’n 12. August 1998