Louis Zabaneh

Vun Wikipedia

Louis Joseph Zabaneh (* 9. Oktober 1968 in Pomona) is en Ünnernehmer un Politiker ut Belize (PUP).

Zabaneh is 1968 as Söhn von de Schoolmeestersche Olga Munoz un den Ünnernehmer Eugene Joseph Zabaneh op en Farm bi Pomona in dat Stann Creek Valley boren. Opwussen is he bi siene Grootöllern Ezekiel un Juanita Barrera. He hett de Holy Angels Primary School in Pomona un denn de Ecumenical High School un dat St. John’s College besöcht. He hett 1987 bet 1989 an dat Rockford College in Rockford (Illinois, USA) en Bachelor maakt un denn 1992 bet 1998 an de Clemson University in Clemson (South Carolina, USA) en Master. 1999 hett he an de Clemson University sien Dokter (Ph.D.) in Weertschopswetenschoppen maakt.[1] De Dokterarbeid harr dat Thema Economic Impacts of International Trade Agreements on the World Frozen Concentrate Orange Juice Market.

2009 hett de Zabaneh-Familie de private Galen University köfft un Louis Zabaneh hett von 2009 bet 2014 dat Amt as Präsident von de Galen University övernahmen.

An’n 31. August 2007 is Zabaneh CEO von dat Social Security Board von Belize worrn.[1] He harr düt Amt bet 2008.

2016/2017 weer he Gastperfesser an de Western Kentucky University.[2]

Zabaneh is siet 30. August 2019 för de Oppositschoonspartei PUP Maat von’n Senaat von Belize. He hett Paul Thompson as Senater aflööst, de sien Mandaat afgeven hett, üm bi de Parlamentswahl in Belize 2020 antotreden.[3] Liekers will ok Zabaneh bi de Wahl 2020 in’n Wahlkreis Dangriga för de PUP antreden.

Footnoten[ännern | Bornkood ännern]

  1. a b Dr. Louis Zabaneh is new Social Security chief executive, Amandala an’n 7. September 2007
  2. Dr. Louis Zabaneh serves as EALR visiting professor (engelsch)
  3. PUP name two new Senators — Isabel Bennett and Dr. Louis Zabaneh, Amandala an’n 28. August 2019