Denise Barrow

Vun Wikipedia
Zur Navigation springen Zur Suche springen

Denise Rebecca Barrow (Sista B) is en Politikerin ut Belize (UDP).

Barrow is as Dochter von Joyce Erica, borene Lindo (27. November 1929–7. Juni 2006), un den Aftheker Arthur Innes Barrow (3. April 1924–3. September 2009) in Belize-Stadt (to de Tied de Hööftstadt von Brietsch-Honduras) boren. Se is de Süster von Denys Barrow un von Dean Barrow, de von 2008 bet 2020 Premierminister von Belize weer.

Se is Maat von de United Democratic Party (UDP) un weer lange Johren Wahlkämpferin för ehren Broder Dean Barrow.

Bi de Wahl to’n Stadtraad von Belize-Stadt an’n 3. März 1999 weer se Kannedatin för de UDP, kunn sik mit 5959 Stimmen aver nich dörsetten.[1] In düsse Tied harr se den Ehnaam Denise Barrow-Anderson.

Bi de Parlamentswahl in Belize 2020 weer se Kannedatin för de UDP in’n Wahlkreis Queen’s Square. Se hett 55,57 % von de Stimmen kregen un kunn sik dormit gegen Allan Pollard von de PUP un Garry Matus von de BPP dörsetten. Dormit is se siet November 2020 Maat von dat Repräsentantenhuus von Belize.

Footnoten[ännern | Bornkood ännern]

  1. Myrtle Palacio: Belize City Council Election Results 1962 to 2003