Denys Barrow
Denys Arthur Barrow (* 8. Juli 1952 in Belize-Stadt) is en Jurist ut Belize.
Barrow is an’n 8. Juli 1952 as Söhn von Joyce Erica, borene Lindo (27. November 1929–7. Juni 2006), un den Aftheker Arthur Innes Barrow (3. April 1924–3. September 2009) in Belize-Stadt (to de Tied de Hööftstadt von Brietsch-Honduras) boren.[1][2][3] De Avkaat un Politiker Dean Barrow is sien Broder un Denise Barrow siene Süster.
Barrow hett an de University of the West Indies Juristeree studeert un en Bachelor of Laws maakt. An de Norman Manley Law School hett he denn sien Legal Education Certificate kregen. He is 1977 as Avkaat in Belize tolaten worrn. Barrow harr von 1977 af an en Kanzlie tohoop mit Ernest L. Staine (Staine & Barrow), hett toletzt aver in sien egen Kanzlie Barrow and Company LLP praktizeert. Barrow hett Barrow and Company verlaten, as he 2017 Richter an’n Caribbean Court of Justice worrn is.
1990 is Barrow Senior Counsel worrn.
Barrow weer von 2001 bet 2005 Richter an’n High Court in St. Lucia, Grenada, Belize un de Brietschen Jumferneilannen un von 2005 bet 2008 an’n Eastern Caribbean Supreme Court. 2010 bet 2012 weer he Richter an’n Court of Appeal in Belize.
An’n 1. Juni 2017 is he as Richter an’n Caribbean Court of Justice beropen worrn.
Ehren[ännern | Bornkood ännern]
Barrow is to Neejohr 2013 Commander of the Most Excellent Order of the British Empire worrn.
Footnoten[ännern | Bornkood ännern]
- ↑ Treasures of a Century: a Collection of Belizean Twentieth Century Poetry. Belize National Library Service, 2005, Sied 175
- ↑ Mother of Opposition Leader dies at 78, Channel 5 Belize an’n 8. Juni 2006
- ↑ Arthur Innes Barrow, PM’s father, passes away, Channel 5 Belize an’n 3. September 2009