St. Lucia

Vun Wikipedia
Wesseln na: Navigatschoon, Söök
Saint Lucia
Flagg vun St. Lucia Wapen vun St. Lucia
(Flagg) (Wapen)
Wahlspröök: The Land, the People, the Light
engl., „Dat Land, dat Volk, dat Licht“
Natschonalhymne: Sons and Daughters of St. Lucia
Woneem liggt St. Lucia
Hööftstadt Castries
14° 2′ N, 60° 59′ W
Gröttste Stadt Castries
Amtsspraak Engelsch
Regeren
Königin
Premierminister
Parlamentaarsch Monarkie
Elisabeth II.
Stephenson King
Sülvstännigkeit

22. Februar 1979 vun dat
Vereenigte Königriek

Grött
 • Allens
 • Water (%)
 
619,15 km²
? %
Inwahnertall
 • 2008 afschätzt
 • Inwahnerdicht
 
172.884 [1]
270,8/km²
Geldsoort 1 Oostkaribischen Dollar
= 100 Cent ([[ISO 4217|]])
BBP 1,801 Mrd. US$ (185.) $ (2007)

11.300 US$ (98.) $ je Kopp

Tietrebeet UTC (UTC-4)
Internet-TLD
ISO 3166
Vörwahl ++1 (758) kiek NANP
Koort vun dat Land

St. Lucia (Engelsch: Saint Lucia (IPA|sntˈluːʃə]) is en unafhängigen Inselstaat in de Karibische See. He höört to den Commonwealth of Nations un liggt nöördlich vun St. Vincent un de Grenadinen un süüdlich vun Martinique. De gröttste Deel vun de hüdigen Inwahners stammt vun Swartafrikaners af, de in de Kolonialtied as Slaven up de Inseln bröcht wurrn sünd. De Hööftstadt is Castries.

Geographie[ännern | Bornkood ännern]

Mank de Westindischen Inseln höört de Staat up dat Eiland „St. Lucia“ to de Inseln ünner den Wind un is dor en Deel vun de Lüttjen Antillen mit. De hööchste Stäe up dat Eiland is de Mount Gimie mit siene 950 Meter. De Küst is bi 158 Kilometer lang. Up de Insel gifft dat, in’n Süden vun den Oort Soufrière, twee Vulkane, de in’n Momang nich aktiv sünd. Dat sünd de Gros Piton un de Petit Piton. De Gegend um düsse beiden Vulkane rum steiht up de List vun dat UNESCO-Weltnaturarv [1]. De wichtigsten Ströme up de Insel sünd de Cul de Sac un de Canelles.

Inwahners[ännern | Bornkood ännern]

82,5 % vun de Inwahners sünd Swarte. Se könnt in’n Döörsnitt dormit reken, 76,45 Johre oolt to weern. In’n Döörsnitt sünd de Inwahners hüdigendags 29,8 Johre oolt. 28 % vun de Inwahners leevt in’e Stadt, dat weert jedet Johr 1,4 % mehr. [1].

Spraken[ännern | Bornkood ännern]

De Amtssprake is Engelsch. Se warrt vun de meisten Lüde snackt. Denn gifft dat ok noch Patois, wat en franzööschen Dialekt is.

Gloven[ännern | Bornkood ännern]

De meisten Inwahners höört to de Röömsch-kathoolsche Kark (67,5 %). Denn gifft dat noch allerhand Lüde, de bi de Adventisten vun den söventen Dag mit bi sünd (8,5 %). 5,7 % höört to en Pingstkarken, 2,1 % sünd Rastafari, 2 % anglikaansch un 2 % sünd Protestanten. 5,1 % höört to noch annere christliche Karken to, 1,1% hefft en annern Gloven un bi 4,5 % vun de Inwahners hefft gor keen Gloven. [1].

Geschicht[ännern | Bornkood ännern]

De eersten Inwahners vun St. Lucia sünd Indianers vun dat Volk vun de Amerindiers ween. De hefft de Insel den Naam „Iouanalao“ geven. Dat heet so veel, as „dor, wo de Leguan leven deit“. So steiht dat tominnst in dat amerindiaansche Wöörbook vun den Misschonar Pere Raymond Breton (um 1650 rüm).

Kolonialtied[ännern | Bornkood ännern]

Christoph Kolumbus hett dat Eiland up siene drüdde Reise, um 1500 rum, funnen. Anfang vun dat 17. Johrhunnert is versöcht wurrn, de Insel to besiedeln, man dat hett nich slumpt. So sünd de Franzosen um 1650 rum de eersten ween, de dor Wahnstäden boot hefft. 1663 is dat Eiland an Barbados verköfft wurrn. Fudderhen hett dat jummers wedder Striet um de Insel geven twuschen Frankriek un dat Vereenigte Königriek. 14 Mol hett de Besitter wesselt, bit 1814 dör Besluss up den Wiener Kongress de Insel endlich an Grootbritannien kamen is. De Briten hefft al vördem Minschen ut Afrika na dat Eiland bröcht, datt se dor up de Plantagen Zuckerrohr anboen döen. Ok na dat Slavery Abolition Act, wo de Slaveree mit verbaden wurrn is in de meisten Länner vun dat brittsche Empire, hefft allerhand vörmolige Slaven as Saisonarbeiders wieterhen up de Plantagen arbeit’. Al vun 1922 af an hett dat en Parlament up de Insel geven mit allgemene un lieke Wahlen. Vun 1958 bit 1963 hett St. Lucia to de Westindische Föderatschoon mit to höört un 1966 hett dat den Status vun en unafhängigen Staat in en Bund mit Grootbritannien kregen. [1].[2]

Unafhängigkeit[ännern | Bornkood ännern]

In dat Johr 1979 is St. Lucia unafhängig wurrn as en Konstitutschonelle Monarkie un as en Liddmaat vun den Commonwealth. Toeerst hett vun 1979 bit 1982 de sozialistische Saint Lucia Labour Party regeert, man 1982 is se aflööst wurrn vun de konservativ-liberale Partei United Workers Party mit den Premierminister John Compton. He hett dat Amt lang in’e Hand harrt un sik dor för utspraken, sik mit dat Land bi den Westen an to buken. In de 1950er un 1960er Johren is de Banaan an de Stäe vun dat Zuckerrohr treden un warrt an’n meisten anboot.

Politik[ännern | Bornkood ännern]

St. Lucia is en parlamentaarsche Monarkie in den Commonwealth. Hööft vun den Staat is Königin Elisabeth II.. Se warrt up dat Eiland vertreden dör de Generalgouverneursche Pearlette Louisy. Baas vun de Regeerung is de Premierminister Stephenson King. [1].

Justiz[ännern | Bornkood ännern]

In dat Rechtsystem vun St. Lucia gifft dat de Doodsstraaf. Twuschen 1987 un 2001 sünd alltohopen 18 Lüde to’n Dode verordeelt wurrn, warrt offiziell seggt. In dat Johr 2003 sünd 13.273 Verbreken mellt wurrn. Upkläärt sünd dor 29,9 % vun. Bi Moord is jede tweete Fall kläärt wurrn.

Militär[ännern | Bornkood ännern]

Dat gifft keen Militär in St. Lucia, man dat gifft de Royal Saint Lucia Police Force. Dor höört ok de Special Service Unit un de Küstenwach mit to.

Belegen[ännern | Bornkood ännern]

  1. 1,0 1,1 1,2 1,3 1,4 1,5 "CIA World Factbook" Born: CIA World Factbook 2008, Saint Lucia (afropen an'n 23. Juni 2009)
  2. "Staaten der Weltgeschichte">

Weblenken[ännern | Bornkood ännern]

Commons-logo.svg St. Lucia. Mehr Biller, Videos oder Audiodateien to’t Thema gifft dat bi Wikimedia Commons.