Britsche Jumferninseln

Vun Wikipedia
Wesseln na: Navigatschoon, Söök
British Virgin Islands
Britsche Jumferninseln
Flagg vun Britsche Jumferninseln Wapen vun Britsche Jumferninseln
(Flagg) (Wapen)
Wahlspröök: The Land, The People, The Light
(engl. „Dat Land, dat Volk, dat Licht“)
Natschonalhymne: God Save the Queen
Woneem liggt Britsche Jumferninseln
Hööftstadt Road Town
18° 26′ N, 64° 37′ W
Gröttste Stadt
Amtsspraak Engelsch
Regeren
Königin
Baas vun de Regeerung
Överseekuntrei
vun dat Vereenigte Königriek
Elisabeth II.
Ralph T. O’Neal
'
Grött
 • Allens
 • Water (%)
 
153 km²
? %
Inwahnertall
 • 2009 afschätzt
 • Inwahnerdicht
 
23.098 (CIA-World-Fact-Book 2006)
148/km²
Geldsoort US-Dollar (USD)
BBP $ ()
$ je Kopp
Tietrebeet UTC (UTC-4)
Internet-TLD .vg
ISO 3166 VG
Vörwahl ++1 (284) kiek bi NANP
Koort vun dat Land

De Britschen Jumferninseln (engl. the British Virgin Islands) sünd eene Inselgrupp mank de Lüttjen Antillen in de Karibische See, um un bi 100 km ööstlich vun Puerto Rico. Se höört to de Överseekuntreien vun dat Vereenigte Königriek mit to. Up 16 vun de bi 60 Eilannen un Riffs leevt Minschen.

Geographie[ännern | Bornkood ännern]

Road Town up Tortola mit Haben

To de Britschen Jumferninseln höört de Eilannen Anegada, Beef Island, Cooper Island, Ginger Island, Jost Van Dyke, Norman Island, Peter Island, Salt Island, Tortola, Virgin Gorda, un bovenhen noch en Reeg vun annere lüttje Eilannen rund um den Sir-Francis-Drake-Kanaal umto.

Dat Eiland Anegada besteiht ut Korallen un Kalsteen un is man tämlich platt, de annern Inseln sünd vun vulkaansche Afkumst un dor gifft dat lüttje un grote Barge. De hööchste Stäe up de Eilannen is de Mount Sage mit 521 m up Tortola.

Klima[ännern | Bornkood ännern]

Up de Inseln gifft dat en Tropenklima. Dat is natt, de Wind küllt de Temperaturen wat af. Hurrikans un Tropenstörme gifft dat vun Juli bit Oktober. Natüürlich Söötwater is up de Inseln man knapp, bloß en paar Ströme un Beeken gifft dat, man de dröögt in’n Summer ut. Up Tortula gifft dat ok Borns. Dat meiste Water, wat för de Inseln bruukt warrt, kümmt ut Sooten un ut Gemarken mit Regenwater.

Inwahners[ännern | Bornkood ännern]

Up de Britschen Jumferninseln wahnt um un bi 21.700 Inwahners. De meisten Inwahners stammt ganz oder tominnst to en goot Deel vun afrikaansche Slaven af.

Gloven[ännern | Bornkood ännern]

33 % höört to de Methodisten, 17 % sünd Anglikaners, 10 % höört to de Röömsch-kathoolsche Karken to, 9 % to Gott siene Gemeende, 6 % to de Söventen-Dags-Adventisten, 4 % to de Baptisten un 2 % to Jehova siene Tügen. 19 % höört noch wedder to eene annere Religion oder hefft gor keen Gloven.

Geschichte[ännern | Bornkood ännern]

In dat 1. Johrhunnert v. Chr. hefft Indianers vun dat Arawak-Volk de Inseln besiedelt. Veel later, in dat 15. Johrhunnert, sünd dor denn de Kariben hekamen un hefft de Arawak unnerkregen. 1493 hett denn Christoph Kolumbus as eersten Europäer de Eilannen funnen. 1555 hefft Truppen ut Spanien gegen de indigenen Völker up de Inseln wunnen un in de Johrteinte dorna sünd de denn utrott’ wurrn. De Nedderlannen hefft 1648 as Eerste de Inseln wedder besiedelt, man England hett de Eilannen denn 1672 an sik reten. Unner de Briten is denn Zuckerrohr anboot wurrn. Dat güng weertschopplich man bloß mit Slaveree, vundeswegen leevt hüdigendags up de Inseln Inwahners, de to 90 % ut Afrika stammen doot.

Politik[ännern | Bornkood ännern]

De Britschen Jumferninseln sünd anslaten (man keen vull Liddmaat) vun de Karibische Meenheit un Liddmaat vun de Organisatschoon vun Oostkaribische Staten. Se sünd en Land, wat de University of the West Indies mit unnerholen deit.

Hööchste Utövende Macht up de Britschen Jumferninseln is de Königin Elizabeth II. vun Grootbritannien. An ehre Stäe warrt düsse Macht vun den Gouverneur utöövt, de up Vörslag vun de britsche Regeerung beropen warrt. För de Buten- un Militärpolitik is dat vereenigte Königriek tostännig.

Infrastruktur[ännern | Bornkood ännern]

Dat Nett vun Straten is 177 km lang, dor gifft dat Linksverkehr. In Road Town gifft dat en haben.

Up de Eilannen sünd fiev Flegerhabens to finnen: Anegada up de Insel Anegada (IATA-Flegerhabenkood: NGD), Beef Island up de Insel Beef Island (EIS), North Sound Virgin up de Insel Virgin Gorda (NSX), Virgin Gorda up de Insel Virgin Gorda (VIJ) un West End SPB up de Insel Tortola (TOV).

Weertschop[ännern | Bornkood ännern]

Mit de Weertschop up de Eilannen löppt dat so goot, as anners nich veel in de Karibische See. En grote Rull speelt dor de Tourismus bi. 45 % vun dat natschonale Inkamen kümmt vun den Tourismus her. Un denn gifft dat sinds de 1980er Johre de Mööglichkeit, sik up de Inseln mit en Breefkastenfirma an to siedeln. De Geböhren för dat Grünnen vun so een Firma maakt mehr as 50 % vun dat Inkamen vun den Staat ut. Um un bi 400.000 so’n Firmen sünd an’t Enne vun dat Johr 2000 up de Inseln inschreven ween.

Bi de Landweertschop speelt Veehtucht de gröttste Rull. Man dat Land is man minne un so könnt de egen Inwahners dör de Landweertschop man knapp versorgt weern. De Weertschop hangt eng an de Amerikaanschen Jumferninseln un vun 1959 af an gifft dat dor as gemeensame Geldsoort den US-Dollar.

Borns[ännern | Bornkood ännern]


Weblenken[ännern | Bornkood ännern]

Commons-logo.svg Category:British Virgin Islands. Mehr Biller, Videos oder Audiodateien to’t Thema gifft dat bi Wikimedia Commons.