Bermuda

Vun Wikipedia
Bermuda
Flagg vun Bermuda Wapen vun Bermuda
(Flagg) (Wapen)
Wahlspröök: Quo Fata Ferunt
(Latiensch „Wo dat Schicksal us hendrifft“)
Natschonalhymne: God Save the Queen
Woneem liggt Bermuda
Hööftstadt Hamilton
32° 18′ N, 64° 48′ W
Gröttste Stadt
Amtsspraak Engelsch
Regeren
König
Baas vun de Regeerung
Brittsche Överseekuntrei
vun dat Vereenigte Königriek
Charles III.
Eward Brown
Grött
 • Allens
 • Water (%)
 
53,3 km²
? %
Inwahnertall
 • 2009 afschätzt
 • Inwahnerdicht
 
67.837 (Stand Juli 2009)
1226,4/km²
Geldsoort Bermuda-Dollar ([[ISO 4217|]])
BBP $ ()
$ je Kopp
Tietzoon UTC (UTC-4)
Internet-TLD .bm
ISO 3166 BM
Vörwahl ++1 (441) kiek bi NANP
Koort vun dat Land
Koort vun dat Land

Bermuda is en vun de Brittschen Överseekuntreien un höört dor to dat Vereenigte Königriek vun Grootbritannien un Noordirland mit to. De Inselgrupp liggt in den Atlantik vör de Küst vun Noordamerika. Sunnerlich bekannt is se vunwegen den Mythos um dat Bermudadreeeck.

Eilannen[ännern | Bornkood ännern]

Bermuda besteiht ut en Reeg vun Eilannen. De gröttsten dormank sünd:

Geschichte[ännern | Bornkood ännern]

Kaart vun Bermuda, 1614

Bermuda is toeerst vun de Spaniers funnen wurrn, man de sünd nich an Land gahn vunwegen de gefährlichen Korallenriffen rund um dat Eiland to. De eersten Siedlers sünd Kolonisten ut England ween, de 1609 up dat Eiland strannt sünd. Se weern unnerwegens na Virginia un mössen tein Maande dor blieven, vunwegen datt ehr Schipp in Dutt gahn weer. Ehr Baas in düsse Tied is George Somers ween. As se later över dat Eiland vertellt hefft, hefft se in England grote Ohren kregen un 1615 hett König Jakob I. de Inseln an de Bermuda Company övergeven. De Oort Saint George’s is 1612 vun um un bi 60 brittsche Siedlers grünnt wurrn. 1620 is en stellvertredend Regeerung insett wurrn un so is Bermuda en sülvstännige Kolonie wurrn.

Vunwegen, datt de Inseln wiet af legen hefft, hett sik de Weertschop dor dreiht um Hannel mit Solt un mit dat Holt vun Zedernböme, wat sunnerlich in den Schippbo goot to bruken weer. De Stadt Hamilton mit ehren zentralen Haben is 1790 grünnt wurrn un 1815 Hööftstadt wurrn.

In den Tweeten Weltkrieg is Bermuda en wichtige Basis ween för de US-amerikaanschen Truppen. 1941 hett de US-Armee dor twee faste Butenstäen för ehre Truppen inricht. In'n Tuusch dorför hefft de brittschen Strietkräfte denn vun de US-Marine de Zerstörers kregen, de dor överher ween sünd. 1943 is up Bermuda de Bermuda-Konferenz dörföhrt wurrn. 1995 sünd de Militär-Butenstäen vun de USA, kanada un Grootbritannien dichtmaakt wurrn. De bruuk numms mehr.

1968 hett Bermuda en Verfaten kregen, un vun dor af an hefft Lüde ok mehr na Unafhängigkeit fraagt, man 1995 is dor över afstimmt wurrn un de Inwahners wollen doch bi Grootbritannien blieven.

Updelen för de Verwaltung[ännern | Bornkood ännern]

Bermuda is unnerdeelt in negen parishes un twee Gemeenden:

Parishes:

Gemeenden:

Transport[ännern | Bornkood ännern]

De Flegerhaben vun Bermuda heet Bermuda International Airport un liggt up Saint Georges Island. Dat gifft keen Iesenbahn oder Autobahn up Bermuda. Dat gifft man een echte Hööftstraat un de löppt över de ganze Insel hen. Up de annern Inseln kann een mit'n Schipp kamen. Een Brugg gifft dat twuschen de Eilannen: "The Causeway". De steiht twuschen Bermuda un Saint Georges Eiland. Dat is sunnerlich passlich för den Tourismus, denn vundeswegen bruukt een nich´mit'n Schipp na de Hööftinsel, wenn een mit'n Fleger ankamen is.

Weertschop[ännern | Bornkood ännern]

Bermuda hett een vun de hööchsten Inkamen pro Person up de ganze Welt. In dat Johr 2004 hett dat bi $69.900 legen[1]. Bloß man 20% vun dat Land könnt för de Bueree bruukt weern. Na denn Tweeten Weltkrieg is Bermuda to en Stüeroase wurrn. Up de Inseln sünd vundeswegen allerhand Finanz-Bedrieven unnerbröcht.

Natur[ännern | Bornkood ännern]

Up Bermuda gifft dat bannig veel Strand un rund um de Insel to sünd veel Korallen to finnen. Vunwegen, datt düsse Riffe tämlich undeep liggt, kann een hier goot dükern. Dat gifft ok Grotten un verscheden Parks un Naturresevaten up de Inseln.[2] Bovenhen is Bermuda bekannt wurrn dör den Bermudastormvagel, den dat man bloß up Bermuda gifft. Dat harr eerst so utsehn, as wenn düsse Vagel al 1620 utstorven weer, man 1951 is he wedder updeckt wurrn.

Kricket[ännern | Bornkood ännern]

Up Bermuda sünd twee Kricket-Cluba tohuse. Dat sünd de Somerset Cricket Club up Bermuda un de St. George's Cricket Club up Saint George. Düsse Clubs speelt jedet Johr dat Cup Match ut. Dat is en Wettstriet, de twee Dage lang duert.

Anners wat[ännern | Bornkood ännern]

Na dat Eiland vun Bermuda hefft de Bermuda-Badeboxen ehrn Naam kregen.

Belegen[ännern | Bornkood ännern]

  1. https://www.cia.gov/library/publications/the-world-factbook/geos/bd.html#Econ
  2. Bermuda - Nature and Scientific Wonders up www.smithsonianmag.com