Honduras

Honduras (República de Honduras) is en Land in Middelamerika. Dor leevt up 112.090 km² bi 7.326.496 Inwahners. Dat sünd 60 Inwahners/km². De Hööftstadt is siet den 30. Oktober 1880 Tegucigalpa mit 1,09 Millionen Inwahners. Annere wichtige Städer sünd in den Noorden vun dat Land San Pedro Sula mit 491.000 Inwahners un an de Karibik-Küst La Ceiba mit 111.000 Inwahners un Puerto Cortés mit 36.000 Inwahners.

Vun de Lüde in Honduras sünd üm un bi 90% Mestizen. 7% sünd Indianers ut verscheden Stämm un mit verscheden Spraken, 2% sünd Afroamerikaners un bi 1% stammt vun Europäers af.

De Amtsspraak is Spaansch.

Mehr as de Hälft vun de Honduraners warrt as arm ankeken. Dat BBP liggt bloß man bi 993 US-$/Inwahner.

Länner in Noord- un Middelamerika

Belize | Costa Rica (Rieke Küst) | El Salvador | Guatemala | Honduras | Kanada | Mexiko | Nicaragua (Nikaragua) | Panama | USA (Verenigten Staten (vun Amerika))

Afhängige Rebeden: Bermuda | Gröönland