Dialekt

Vun Wikipedia
Wesseln na: Navigatschoon, Söök

En Dialekt (latiensch dialectus un dialectos, ooldgr. διάλεκτος diálektos „Snack/Utspraak, Seggwiese, Dialekt/Mundaart, Spraak“, vun ooldgreeksch διαλέγεσθαι dialégesthai „mit een snacken“), ok Mundaart nömmt, is en Varietät vun de Spraken, so, as de in sunnerliche Öörd oder in sunnerliche Gemarken snackt warrt un dor ok up begrenzt is. He kann sik in all Hensichten (Luudsystem /Phonologie, Woordbügen/Morphologie, Satzbo/Syntax, Woordschatt un Idiomatik) verschelen vun annere Dialekte un ok vun de Standardspraken.

De Deel vun de Spraakwetenschop, de sik mit Dialekte befaten deit, warrt Dialektologie nömmt. In de nee Linguistik sett sik ok de Soziolinguistik mit Dialekte ut’neen.