People’s Development Movement

Vun Wikipedia
Zur Navigation springen Zur Suche springen

Dat People’s Development Movement (PDM) weer en polietsche Partei, de sik 1969 in Brietsch-Honduras (nu Belize) grünnt hett.

Historie[ännern | Bornkood ännern]

De Partei hett sik in’n Oktober 1969 grünnt.[1] To de Mitgrünners hebbt Dean Lindo, Colville Young, Carlos Castillo, Hugh Weir, Lawrence Young un Joe Lisbey höört.[1]

Lindo weer vörher Maat un Viez-Parteibaas von de National Independence Party (NIP), weer aver untofreden dat de Politik von de Partei in en annere Richt güng as he dat för richtig höll.[1] Lindo is 1969 as eersten Parteibaas wählt worrn, Colville Young weer de Viez-Parteibaas, Weir de Schatzmeester, Castillo de Parteisekretär un Lawrence Young de Vörsitter (Chairman).[1]

Bi de Parlamentswahl an’n 5. Dezember 1969 hett dat PDM Kannedaten op en gemeensame List mit de NIP opstellt.[1] Lindo weer Kannedaat in’n Wahlkreis Fort George un Colville Young in’n Wahlkreis Mesopotamia. De eenzige Kannedaat von de gemeensame List, de sik würklich dörsetten kunn, weer Philip Goldson von de NIP. All de annern Seten güngen an de PUP.

In de Johren 1969 bet 1973 weer de Partie kuum aktiv.[1] Op en Parteidag an’n 31. Januar 1973 hett de Partei beslaten, dat se sik mit annere Partein drepen will, üm to mehr Eenheit ünner de Oppositschoonspartein to kamen.[1] In’n August 1973 sünd dat PDM, de NIP un de Liberal Party denn övereenkamen, dat se sik all dree tohoopdoon wüllt.[1] Dat PDM hett sik oplööst un to de Parlamentswahl 1973 is denn de United Democratic Party antreden.[1]

Footnoten[ännern | Bornkood ännern]

  1. a b c d e f g h i Lawrence Vernon: A History of Political Parties in Belize 1950–1981.