Cuatro Leguas

Wapen/Flagg

Koort

Basisdaten

154 (2010-00-002010)

Cuatro Leguas oder ok Edenthal is en Gemeen in’n Distrikt Orange Walk von dat Land Belize.

Geografie

De Oort liggt in dat Rebeed twüschen Río Azul/Río Hondo in’n Noorden un Rio Bravo in’n Süden. In’n Süden liggt de Rio Bravo Conservation and Management Area. De Grenz na Mexiko liggt üm un bi dree Kilometer wied weg in’n Noorden un de na Guatemala good 15 Kilometer in’n Westen.

De Naveröörd sünd Esteban Baca Calderón (Mexiko) in’n Noordoosten, La Unión (Mexiko) in’n Oosten, Blue Creek, Linda Vista, Neuendorf un Tres Leguas/Blumenthal in’n Süüdoosten, La Milpa in’n Süden, Neustadt in’n Süüdwesten un Tomás Garrido (Mexiko) in’n Noordwesten.

De Oort höört to de Mennoniten-Kolonie von Blue Creek. De Kolonie is 1958 von Ooldkoloniers ut Mexiko grünnt worrn. De Lüüd höört ünner annern to de Evangelical Mennonite Mission Conference un to de Kleine Gemeinde.

Twüschen 2000 un 2010 is Cuatro Leguas en egen Gemeen un von de Gemeen Blue Creek aftrennt worrn.

Johr	Inwahners
2010-00-002010^[1]	154 Lüüd, 32 Huushollen

De Straat dör Cuatro Leguas föhrt in’n Westen na de Kolonie von Neustadt un in’n Oosten över San Felipe un August Pine Ridge na Orange Walk un an’n Philip Goldson Highway. De Highway löppt von dor in’n Noordoosten na Corozal un de Grenz na Mexiko un in’n Süüdoosten na Belize-Stadt.

En direkten Weg na Mexiko oder Guatemala gifft dat nich. De nächste offizielle Grenzövergang is 125 Kilometer in’n Noordoosten in Santa Elena.

De nächste Flegerplatz is de San Felipe Airstrip bi Neuendorf en poor Kilometer in’n Oosten.