Frederick Westby

Vun Wikipedia
Zur Navigation springen Zur Suche springen

Frederick Daniel „Fred“ Westby (oder ok Wesby; * 3. Januar 1877; † 1976[1]) weer en Politiker ut Brietsch-Honduras (PUP).

Leven[ännern | Bornkood ännern]

Westby is 1877 in Brietsch-Honduras boren un weer op en röömsch-kathoolsche School.[2] He weer verheiraadt mit Sarah Emily, borene Forman.[2] De beiden harrn een Söhn un twee Döchter.[2] In latere Johren hett he sülvs dat t in’n Naam Westby afleggt un sik Wesby schreven.[1]

Westby hett as Kakaoplanter un Bookholler arbeidt un weer 20 Johr lang Stadtsekretär un Stüürinnehmer.[2]

Von 1924 bet 1927 weer he Afornten in’n Stadtraad von Belize-Stadt.[2]

Bi de Parlamentswahl in Belize 1954 weer he unafhängigen Kannedaat in’n Wahlkreis Belize West un hett 5,8 % von de Stimmen haalt. Dormit keem he achter Leigh Richardson von de PUP un Lionel Francis von de NP op’n drüdden Platz.

Bi de Wahl 1961 weer he Kannedaat för de PUP in’n Wahlkreis Albert un hett de Wahl mit 42,8 % von de Stimmen gegen Nicholas Pollard von de CDP un Floss Casasola von de NIP wunnen.

Bi de Wahl 1965 is he in’n sülven Wahlkreis wedder as Kannedaat antreden, kunn sik dütmaal mit 44,2 % von de Stimmen aver nich gegen Philip Goldson von de NIP dörsetten.

Dormit weer he von 1961 bet 1963 Afornten von de Legislativversammlung, de an’n 1. Januar 1964 to dat Repräsentantenhuus von Brietsch-Honduras worrn is. He is bet 1965 Maat von dat Repräsentantenhuus bleven.

Nadem he bi de Wahl to’n Stadtraad von Belize-Stadt an’n 12. Dezember 1962 5034 Stimmen kregen hett un in’n Stadtraad intagen is, is Westby an’n 8. Januar 1963 Börgermeester von Belize-Stadt worrn.[2][3] Bi de Wahl an’n 14. Dezember 1965 is he mit 5239 nochmaal wedderwählt worrn.[3]

Ehren[ännern | Bornkood ännern]

To Neejohr 1963 is he Officer of the Order of the British Empire worrn. In Belize-Stadt is de Fred Westby Park na em nöömt.

Footnoten[ännern | Bornkood ännern]

  1. a b Theodore Sealy: Sealy’s Caribbean Leaders. Kingston Publishers, 1991, Sied 183
  2. a b c d e f Personalities Caribbean. Personalities Limited, 1965, Sied 180
  3. a b Myrtle Palacio: Belize City Council Election Results 1962 to 2003