Legislativversammlung (Brietsch-Honduras)

Vun Wikipedia
Zur Navigation springen Zur Suche springen

De Legislativversammlung (engelsch Legislative Assembly) weer von 1954 bet 1963 dat Parlament von Brietsch-Honduras, as de Kolonie noch en Eenkamersystem harr. De Seet weer in Belize-Stadt.

Historie[ännern | Bornkood ännern]

Dat Regeer över de brietsche Siedlung, de vondaag Belize billt, is toeerst 1765 in schreven Form fastleggt worrn, as Admiraal William Burnaby dat Recht in Belize as Burnaby’s Code opschreven hett.[1] Düsse Code is bet 1840 in Kraft bleven, as en Exekutivraad (engelsch Executive Council) inricht worrn is.[1]

1854 is dat eeerste Maal en Legislativversammlung inricht worrn, de ünner Leid von en brietschen Supperndent stünn.[1] De Maten weren aver all beropen un nich wählt.[1] As dat Rebeed 1871 Kroonkolonie worrn is, hett dat en Legislativraad (engelsch Legislative Council) geven, de an de Steed von de Legislativversammlung treden is.[1]

1935 is wedder en Legislativversammlung inricht worrn, de aver noch jümmer beropen un nich wählt weer.[1]

Mit’n 25. März 1954 is en ne’e Verfaten in Kraft treden, mit de dat Regularium för de Legislativversammlung ännert worrn is. Dat hett nu blangen en Spreker, dree von’n Guvernör beropene Maten un dree Maten dör Amt (Koloniaalssekretär, Generaalstaatsanwalt un Finanzsekretär) ok negen wählte Maten geven.[1] Mit de Wahl an’n 30. April 1954 is dat Parlament dat eerste Maal in en allgemene Wahl wählt worrn.

Von de Afornten hebbt dree besünnere Opgaven kregen: Leigh Richardson as Member for Natural Resources, Herman Jex as Member for Public Utilities un Philip Goldson as Member for Social Services. Dat weren de Vörlöpers von de Ministers, de in latere Kabinetten (von 1961 af an) insett worrn sünd.

Bi de Wahl von 1961 is de Tall wählte Seten op 18 verdubbelt worrn.

Dör de ne’e Verfaten, de 1963 beslaten worrn is, is Brietsch-Honduras to’n 1. Januar 1964 to en Tweekamersystem övergahn. Dat besteiht ut Repräsentantenhuus un Senaat, de tohoop de Natschonaalversammlung billt. Direkten Nafolger von de Legislativversammlung is de Natschonaalversammlung. Dat Repräsentantenhuus besteiht ut wählte Maten un de Senaat ut beropen Maten.

Wählte Maten[ännern | Bornkood ännern]

Sprekers[ännern | Bornkood ännern]

Footnoten[ännern | Bornkood ännern]

  1. a b c d e f g History of the Legislature of Belize, Natschonaalversammlung von Belize