Allan Arthurs
Allan Edmund Arthurs (* 12. Juni 1920 in Corozal) is en Politiker ut Brietsch-Honduras/Belize (PUP).
Leven
[ännern | Bornkood ännern]Arthurs is 1920 as Söhn von Alberta, borene Lopez, un Frederick Arthurs in Corozal boren.[1] He güng op methodistische Scholen in Corozal un in Belize-Stadt.[1] An’n 27. Juli 1950 hett he Lucille Jemmott freet.[1] De beiden harrn veer Söhns un veer Döchter.[1]
Politik
[ännern | Bornkood ännern]Arthurs is 1952 Maat von de People’s United Party (PUP) worrn.[1]
Bi de Parlamentswahl in Brietsch-Honduras 1961 weer he Kannedaat för de PUP in’n Wahlkreis Stann Creek Stadt un hett de Wahl mit 52,3 % von de Stimmen gegen Paul Guerrero von de NIP wunnen. Ok bi de Wahlen 1965 (50,0 % gegen Albert Arzu, NIP) un 1969 (54,3 % gegen Rodwell Leslie, NIP) kunn he sik in’n sülven Wahlkreis wedder dörsetten. Bi de Wahl 1974 hett he mit 42,7 % von de Stimmen aver gegen Paul Guerrero von de UDP verloren.
Dormit weer he von 1961 bet 1963 Afornten von de Legislativversammlung, ut de to’n 1. Januar 1964 dat Repräsentantenhuus worrn is. Arthurs weer denn von 1964 bet 1974 Maat von dat Repräsentantenhuus. He weer von 1965 bet 1968 Viez-Spreker von dat Repräsentantenhuus.[1]
He weer toeerst Minister för Verkehr un för Apentliche Arbeiden un is denn Minister för Finanzen un för Weertschopliche Entwicklung worrn. Üm 1972 rüm weer he Minister för Energie un Verkehr un harr toletzt dat Amt as Minister för Lokale Verwaltung un för Gemeenschop un Soziale Entwicklung.
He weer von 1949 bet 1962 in’n Stadtraad von Stann Creek Town un von 1959 bet 1962 ok Börgermeester.[1]
Anfang 1984 hett George Price Arthurs in’n Senaat von Belize beropen. Düt Amt hett he bet to de nächste Wahl in’n Dezember 1984 behollen.
Ehren
[ännern | Bornkood ännern]Arthurs is to Neejohr 1999 to’n Member of the Order of the British Empire worrn.[2]
2002 is de Allan Arthurs Library in Dangriga na em nöömt worrn.
Footnoten
[ännern | Bornkood ännern]- ↑ a b c d e f g Personalities Caribbean., Personalities Limited, 1973, Sied 231
- ↑ Seventh Supplement to the London Gazette, The London Gazette an’n 30. Dezember 1998
