Paul Guerrero
Paul „Pags“ Guerrero (* 29. Juni 1916; †) weer en Politiker ut Belize (NIP, UDP).
Leven
[ännern | Bornkood ännern]Guerrero is 1916 as jüngst von negen Kinner von Felicita un Bentio Guerrero boren.[1] He weer op de Sacred Heart School un denn op de Holy Redeemer School in Belize-Stadt.[1] Na de School hett he as Leverjung för en Geschäft in Belize-Stadt arbeidt.[1] He is 1935 na Honduras gahn un hett dor för de United Fruit Company arbeidt.[1] He keem 1937 trügg na Belize un weer denn bi de Citrus Company of Belize.[1] 1941 is he na Panama gahn, üm dor to arbeiden.[1]
He hett 1943 Margaret „Din Din“ Guerrero († 26. Dezember 1983) freet.[1][2] De beiden harrn twee Döchter un hebbt en Club in Stann Creek Town/Dangriga bedreven, de Eden Rose heten hett.[3]
1947 is he Generaalsekretär von de General Workers’ Union in’n Distrikt Stann Creek worrn.[1]
Guerrero weer ok Judicial Commissioner of the Supreme Court un Justice of the Peace.[1]
Politik
[ännern | Bornkood ännern]Guerrero is 1947 Maat von de Progressive Party worrn.[1] He weer för düsse Partei von 1947 bet 1953 in’n Stadtraad von Stann Creek Town un von 1966 bet 1969 noch en tweet Maal.[1] De Progressive Party is in de Twüschentied in de National Independence Party (NIP) opgahn.
Bi de Parlamentswahl in Brietsch-Honduras 1961 weer he Kannedaat för de NIP in’n Wahlkreis Stann Creek Stadt un hett de Wahl mit 44,2 % von de Stimmen gegen Allan Arthurs von de PUP verloren.
1973 is de NIP in de United Democratic Party (UDP) opgahn.
Bi de Wahl in Belize 1974 weer he in’n Wahlkreis Wahlkreis Stann Creek Stadt Kannedaat för de UDP un hett de Wahl mit 54,8 % von de Stimmen gegen Allan Arthurs von de PUP wunnen.
Dormit weer he von 1974 bet 1979 Afornten von dat Repräsentantenhuus von Belize. Bi de Wahl 1979 is he nich wedder antreden, üm Platz to maken för Theodore Aranda as UDP-Kannedaat.[2]
Footnoten
[ännern | Bornkood ännern]- ↑ a b c d e f g h i j k Belize Today. Government Information Service, 1987, Sied 86
- ↑ a b Evan X Hyde: From the Publisher, Amandala an’n 20. Juli 2010
- ↑ Evan X Hyde: From the Publisher, Amandala an’n 11. Februar 2017