Louis Sylvestre (Politiker, 1931)

Vun Wikipedia
Zur Navigation springen Zur Suche springen

Louis S. „Cuz“ Sylvestre (* 1931; † 6. März 2014) weer en Politiker ut Belize (PUP).

Leven[ännern | Bornkood ännern]

Sylvestre is 1931 boren.

He is an’n 6. März 2014 in dat Karl Heusner Memorial Hospital in Belize-Stadt doodbleven.[1] Siene Truurfier weer an’n 14. März in de Holy Redeemer Cathedral in Belize-Stadt.[1] Begraven is he in San Pedro Town.[1]

Politik[ännern | Bornkood ännern]

Bi de Parlamentswahl in Brietsch-Honduras 1957 weer he Kannedaat för de PUP in’n Wahlkreis Belize-Land un hett de Wahl mit 68,2 % von de Stimmen gegen Herman Jex von de HIP un Lindsay Burns von de NP wunnen.

Bi de Wahlen 1961 (81,3 % von de Stimmen gegen Todd Brown, NIP), 1965 (70,3 % gegen Phillip Gillett, NIP), 1969 (77,9 % gegen Allan Anderson, NIP), 1974 (64,0 % gegen Harry Lawrence, UDP), 1979 (61,8 % gegen Gaspar Lara, UDP) un 1984 (57,6 % gegen Jose Marin, UDP) weer he denn Kannedaat in’n Wahlkreis Belize-Land Süüd un hett sik dor jümmer wedder dörsett.

Dormit weer he von 1957 bet 1963 Afornten von de Legislativversammlung, de an’n 1. Januar 1964 in dat Repräsentantenhuus övergahn is, von dat Sylvestre denn bet 1989 Maat weer.

He weer üm 1975 Minister för Bildung, Huusbo un Arbeid un ok en Tied Minister för Energie un Verkehr. He weer ünner annern ok noch Minister för Bueree.

Bet 1984 weer he Minister för Lokale Verwaltung un Rundfunk.

Sylvestre weer as Vertreder von’n rechten Flögel binnen de PUP Vörsitter von de Partei.

In’n Februar 1985 sünd Sylvestre un Fred Hunter ut de PUP rut, von wegen, dat se de Partei as „to links“ ansehn hebbt. Se hebbt in’n Juni 1985 tohoop de Belize Popular Party (BPP) grünnt, von de Sylvestre denn Parteibaas worrn is. De Partei is aver en poor Johr later wedder ingahn.

Nadem de BPP ingahn is, hett Sylvestre sik de United Democratic Party (UDP) anslaten. För düsse Partei weer he bi de Wahl 1998 Kannedaat in’n Wahlkreis Belize-Land Zentraal. Mit 24,98 % von de Stimmen keem he achter Ralph Fonseca von de PUP un vör Gloria Marie Bowen von de PDP op’n tweten Platz un kunn so nich in dat Repräsentantenhuus intehn.

Sylvestre weer bet to sien Dood ok Honorarkunsel för Russland.[1]

Ehren[ännern | Bornkood ännern]

In San Pedro Town is de Hon. Louis Sylvestre Sports Complex na em nöömt.

Footnoten[ännern | Bornkood ännern]

  1. a b c d Rowland A. Parks: Former Minister of Government, Louis “Cuz” Sylvester, dead at 82, Amandala an’n 14. März 2014