Fred Hunter

Vun Wikipedia
Zur Navigation springen Zur Suche springen

Frederick Hopkins „Fred“ Hunter (* 23. Dezember 1927 in Belize-Stadt) is en Politiker ut Brietsch-Honduras/Belize (PUP).

Leven[ännern | Bornkood ännern]

Hunter is 1927 as Söhn von Sally, borene Baily, un Alexander John Hunter (7. Februar 1887–1. September 1964) in Belize-Stadt boren.[1] Alexander Hunter weer sien Halvbroder. He weer op de St. Catherine’s Academy un dat St. John’s College.[1] Sied Dezember 1969 leevt he as Melkbuur op de Trinidad Farms en beten buten Belize-Stadt.[1]

He hett an’n 20. Juni 1953 Maria de la Luz Aguilar freet.[1] De beiden hebbt twee Söhns un söven Döchter.[1]

He weer Vörsitter von dat Belize Electricity Board.[1]

Na siene Tied as Politiker hett Hunter anfungen, sik mit de Historie von Belize uteneentosetten un hett dor ok Böker över schreven.

Politik[ännern | Bornkood ännern]

Bi de Parlamentswahl in Brietsch-Honduras 1954 weer he unafhängigen Kannedaat in’n Wahlkreis Belize-Land un hett 39,0 % von de Stimmen haalt. Dormit hett he gegen Herman Jex von de PUP verloren.

Bi de Wahl 1961 is he för de PUP in’n Wahlkreis Belize-Land Noord antreden un hett de Wahl mit 62,2 % von de Stimmen gegen Arthur Wade von de CDP wunnen. Ok bi de Wahlen 1965 (67,8 % von de Stimmen gegen Elwyn Pitts, NIP), 1969 (62,3 % gegen Roy Canton, NIP), 1974 (50,5 % gegen den unafhängigen William Gillett un Leslie Day von de UDP) un 1979 (50,2 % gegen Lionel Tillett, UDP) kunn he sik wedder in’n Wahlkreis Belize-Land Noord dörsetten.

Bi de Wahl 1984 hett he aver blots 43,4 % von de Stimmen haalt un sien Wahlkreis an Samuel Rhaburn von de UDP verloren.

Dormit weer Hunter von 1961 bet 1984 Afornten von dat Repräsentantenhuus von Belize. He weer in düsse Tied toeerst Minister för Energie un Verkehr, denn Minister för Bueree, Land un Kooperativen un toletzt för lange Johren bet 1984 Minister för Apentliche Arbeiden.

In’n Februar 1985 sünd Hunter un Louis Sylvestre ut de PUP rut, von wegen, dat se de Partei as „to links“ ansehn hebbt. Se hebbt in’n Juni 1985 tohoop de Belize Popular Party (BPP) grünnt, de aver en poor Johr later ingahn is. Bi de Stadtraadswahlen in Belize-Stadt 1986 weer Hunter Kannedaat för de BPP, is aver nich wählt worrn.[2]

Bi de Wahl 2012 is he nochmaal as Kannedaat för de People’s National Party (PNP) in’n Wahlkreis Belize-Land Zentraal antreden. He hett aver blots 1,89 % von de Stimmen kregen un keem op’n drüdden Platz achter Dolores Balderamos-García von de PUP un Michael Hutchinson von de UDP.

Warken[ännern | Bornkood ännern]

Footnoten[ännern | Bornkood ännern]

  1. a b c d e f Personalities Caribbean. Personalities Limited, 1973, Sied 236
  2. Myrtle Palacio: Belize City Council Election Results 1962 to 2003