Alexander Hunter (Politiker, 1920)

Vun Wikipedia

Alexander Albert Hunter (Sandy Hunter; * 21. Mai 1920 in Belize-Stadt; † 27. August 1996) weer en Politiker ut Brietsch-Honduras/Belize (PUP).

Leven[ännern | Bornkood ännern]

Hunter is 1920 as Söhn von Laura Mary, borene Reyes (25. März 1885–1. September 1924), un Alexander John Hunter (7. Februar 1887–1. September 1964) in Belize-Stadt boren.[1] Fred Hunter weer sien Halvbroder. Alexander Hunter weer op dat St. John’s College in Belize-Stadt un op dat Regis College in Denver (USA).[1] He hett an de Queen’s University in Kingston (Kanada) Strahlenphysik studeert.[1]

Von 1940 af an hett he in Costa Rica för de United Fruit Co. arbeidt[1] un dor Araceli Marin kennenlehrt, de later sien Fro worrn is. 1942 güng he na de Royal Canadian Air Force un hett binnen dat RAF Coastal Command in Grootbritannien, op de Azoren un in Gibraltar an’n Tweten Weltkrieg deelnahmen.[1] 1947 güng he na Belize trügg un hett dor bi James Brodie & Co. Ltd. anfungen.[1]

1996 is Hunter doodbleven. He liggt op’n Lord Ridge Cemetery in Belize-Stadt begraven.

Politik[ännern | Bornkood ännern]

Bi de Parlamentswahl in Brietsch-Honduras 1961 weer he Kannedaat för de PUP in’n Wahlkreis Fort George un hett de Wahl mit 60,2 % von de Stimmen gegen Herbert Fuller von de NIP un Denbigh Jeffery von de CDP wunnen. Ok bi de Wahl 1965 (54,3 % von de Stimmen gegen Helen Taylor, NIP) un de Wahl 1969 (50,9 % gegen Dean Lindo, NIP) hett he in’n sülven Wahlkreis wedder wunnen.

Dormit weer he von 1961 bet 1963 Afornten von de Legislativversammlung, de to’n 1. Januar 1964 in dat Repräsentantenhuus övergahn is, von dat Hunter von 1964 bet 1974 Maat weer.

In düsse Tied weer he lange Johren ünner Premier George Cadle Price Minister för Natürliche Ressourcen un Hannel un later Minister för Hannel un Industrie. Dormit weer he ünner annern ok för dat Thema Tourismus tostännig.

Von’n 8. November 1974 bet 27. Juli 1979 hett he denn dat Amt as Spreker von dat Repräsentantenhuus övernahmen.

Ehren[ännern | Bornkood ännern]

To Neejohr 1976 is Hunter Knight Commander of the Order of the British Empire worrn.

De Bökeree in Orange Walk is na em Sandy Hunter Public Library nöömt worrn.

Literatur[ännern | Bornkood ännern]

  • Lita Hunter-Krohn: The Man Who Wore Khaki. Image Factory Art Foundation, 2018

Footnoten[ännern | Bornkood ännern]

  1. a b c d e f The British Caribbean Who, What, why. Bell & Bain., 1955, Sied 539