Guadalupe Pech

Vun Wikipedia
Zur Navigation springen Zur Suche springen

Guadalupe Pech (* 1933 oder 1934; † 2017) weer en Politiker ut Brietsch-Honduras/Belize (PUP).

Leven[ännern | Bornkood ännern]

Pech weer Schoolmeester in Yo Creek. He is 2017 doodbleven un in Orange Walk begraven worrn.[1]

Politik[ännern | Bornkood ännern]

Bi de Parlamentswahl in Brietsch-Honduras 1961 weer he Kannedaat för de PUP in’n Wahlkreis Orange Walk Süüd un hett de Wahl mit 81,4 % von de Stimmen gegen Ignacio Vega von de NIP wunnen. Ok bi de Wahlen 1965 (72,8 % von de Stimmen gegen Erlindo Leiva, NIP, un den unafhängigen Juan Blanco), 1969 (87,6 % gegen Eloy Escalante, NIP), 1974 (83,7 % gegen Erlindo Leiva, UDP) un 1979 (63,3 % gegen Juan Blanco, UDP) kunn he sik in’n sülven Wahlkreis wedder dörsetten.

Bi de Wahl 1984 hett he mit 48,9 % knapp gegen Onesimo Pech von de UDP verloren.

Dormit weer he von 1961 bet 1963 Afornten von de Legislativversammlung, de to’n 1. Januar 1964 in dat Repräsentantenhuus von Belize övergahn is. He is bet 1984 Maat von dat Repräsentantenhuus bleven.

Pech weer in de Johren 1970 Minister för Bildung un Huusbo un ünner Premierminister George Cadle Price bet 1984 Minister för Hannel un Industrie (Kabinett Price I). Tosätzlich weer Pech bet 1974 ok en ganze Tied Viez-Spreker von dat Repräsentantenhuus.

Bi de Wahl 1989 is he mit 50,2 % von de Stimmen gegen Onesimo Pech wedder in dat Repräsentantenhuus intagen. Bi de Wahl 1993 hett he 47,0 % haalt un müss sien Seet an Ruben Campos von de UDP afgeven.

Dormit weer he von 1989 bet 1993 en tweet Maal Afornten von dat Repräsentantenhuus. In düsse Tied weer he Staatsminister in dat Ministerium för Natürliche Ressourcen ünner Minister Florencio Marin Sr.

Footnoten[ännern | Bornkood ännern]

  1. The Passing Of Pech, Noted Politician, And An Honorable Gentleman, 7 News Belize an’n 7. November 2017