Haulover Creek

Vun Wikipedia
Haulover Creek mit Fischerbööd
Dreihbrüüg över’n Haulover Creek
Haulover Creek 1975

De Haulover Creek is en üm un bi teihn Kilometer langen Waterloop in Belize-Stadt, de in de Karibische See münnt. Dat is en Siedenarm von’n Belize River. De Belize-Stroom hett sien Münn vondaag in’n Noordwesten von Belize-Stadt.

De Haulover Creek deelt de Stadt in twee Delen, de Northside in’n Noorden un de Southside in’n Süden.

Över’n Burdon Canal is de Haulover Creek mit de Lagunen Fabers Lagoon, Jones Lagoon un Northern Lagoon un mit’n Sibun River verbunnen.

An’n Haulover Creek bi de Chetumal Bridge sünd de Neeborebeden Belama Phase I-IV anleggt worrn.

De Münn von’n Haulover Creek warrt as Anleggplatz von Fischerslüüd bruukt. Ok de Watertaxi na Caye Caulker, San Pedro un Ambergris Caye leggt hier an.

Brüggen[ännern | Bornkood ännern]

Över den Creek gaht veer Brüggen:

  • Chetumal Street Bridge (twüschen Chetumal Street un Lake Independence Boulevard),
  • Belcan Bridge (Central American Boulevard twüschen Philip Goldson Highway un George Price Highway),
  • Belchina Bridge (twüschen Douglas Jones Street un Youth for the Future Drive),
  • De Dreihbrügg von Belize-Stadt, de siet 1923 besteiht un en Wohrteken von Belize-Stadt is (twüschen Queen Street un Albert Street).

De Haulover Bridge liggt dor, wo de Haulover Creek mit’n Belize River verbunnen is, geiht aver blots över’n Belize River röver un nich över’n Haulover Creek.

Weblenken[ännern | Bornkood ännern]

Haulover Creek. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:17° 30′ N, 88° 11′ W