Haulover Bridge

Vun Wikipedia
Zur Navigation springen Zur Suche springen

De Haulover Bridge is en Brügg twüschen Belize-Stadt un Ladyville över’n Belize River, de dicht bi de Steed liggt, an de de Haulover Creek in’n Belize River münnt. Över de Brügg löppt de Philip Goldson Highway. De Brügg liggt 650 Meter vör de Münn von’n Belize River in de Karibische See.

Historie[ännern | Bornkood ännern]

Toeerst hett dat en Fähr geven, de över’n Belize River översett hett. De eerste Brügg is 1936 boot worrn.

De hüdige Haulover Bridge is 1947 nee boot worrn, üm Belize-Stadt beter an’n Flegerhaven von Belize-Stadt antobinnen. Dat is en Fackwark-Brügg ut Stahl. De Brügg steiht op veer Pielers un hett twee Sporen. De Fohrbahn is fiev Meter breed. De Kösten 1947 weren 49.177,39 Belize-Dollar.

2016/2017 is en ne’e Brügg dörplaant worrn, de de Form von en Langersche Balkenbrügg hett.[1] De Fohrbahn schall 10,30 Meter breed ween un tosätzlich schall dat en 1,50 Meter breden Footpadd op jede Sied geven.[1] Allens tohoop schall de Brügg 14 Meter breed ween un 150 Meter lang.[1] Dat Inschenörbüro weer Politecnica Ingegneria e Architettura un de Opdraggever för de Plaans dat Ministerium för Apentliche Arbeiden.[1] De Caribbean Development Bank hett Geld för de Plaans geven.[1]

2017 hett de OPEC-Fonds för Internatschonale Entwicklung en Kredit över 12 Milljonen Belize-Dollar toseggt, üm de ne’e Brügg to boon, wat 68 % von de Kösten decken schall.[2]

Footboten[ännern | Bornkood ännern]

  1. a b c d e Plaans, Politecnica Ingegneria e Architettura
  2. Belize gets $12 million loan from OPEC for new Haulover bridge, Breaking Belize News an’n 20. Oktober 2017


Koordinaten:17° 32′ N, 88° 15′ W