Joseph Gray (Politiker)

Vun Wikipedia
Zur Navigation springen Zur Suche springen

Joseph Cuthbert Gray (* 12. Februar 1939 in Belize-Stadt; †) weer en Avkaat un Politiker (PUP) ut Belize.

Gray is 1939 as Söhn von Carrie Noncrieff, borene Leslie, un den Inschenör Hildebrant Edwin Gray in Belize-Stadt boren.[1] He weer in Belize-Stadt op dat St. Michael’s College un op dat St. John’s College.[1]

Gray weer von Januar 1959 bet August 1959 Schoolmeester an dat St. Michael’s College un is denn as Beamten in de Tollverwaltung wesselt.[1] In’n September 1960 is he an de London School of Economics gahn un hett Juristeree studeert.[1] He is Maat von Lincoln’s Inn worrn un hett dat Studium in’n Mai 1964 afslaten.[1] Na dat Studium weer he von Mai 1964 bet Februar 1965 Magistraat un is denn Avkaat worrn.[1] He harr in Belize-Stadt en Kanzlie tohoop mit Dean Lindo un later en egen Kanzlie.

Bi de Parlamentswahl in Brietsch-Honduras 1969 weer he Kannedaat för de PUP in’n Wahlkreis Albert. He hett 41,9 % von de Stimmen kregen un kunn sik dormit nich gegen Philip Goldson von de NIP dörsetten. Ok bi de Wahl 1974 weer he in’n sülven Wahlkreis nochmaal Kannedaat, hett mit 39,5 % aver wedder gegen Goldson (nu UDP) verloren.

Twüschen 1969 un 1979 weer he för de Regerungspartei PUP Maat von’n Senaat von Belize. He weer in düsse Tied ok Minister ahn Portfolio in dat Kabinett Price III un IV.

Gray hett an’n 20. Juli 1960 Eleanor Dixon freet.[1] De beiden harrn dree Söhns.[1]

Footnoten[ännern | Bornkood ännern]

  1. a b c d e f g h Personalities Caribbean. Personalities Limited, 1965, Sied 167