Corona Villafranco
Corona Villafranco (* 1969) is en Politikerin ut Belize (PUP).
Villafranco is 1969 boren.[1] 1987 weer se Kannedatin bi de Wahl as Miss Belize.[1] Later harr se en egen Radioshow un weer Schoolmeestersche.[1] Von 2010 bet 2013 weer se Vörsitterin von’n Dörpraad von Pomona.[1]
Villafranco weer von 29. April 2008 bet November 2011 as Vertrederin von de Oppositschoonspartei PUP Maat von’n Senaat von Belize. Se is an’n 29. April 2008 in’n Senaat rinkamen, nadem de PUP na de verloren Parlamentswahl 2008 ehr dree Senaters al na een Maand wedder utwesselt hett, üm sik nee optostellen.
Villafranco leevt in Pomona un weer verheiraadt mit Karim Peters, de 2012 ümbrocht worrn is.[2] De beiden hebbt een Dochter.[2] Villafranco hett tosätzlich Kinner ut en fröhere Beziehung.[2]
Footnoten[ännern | Bornkood ännern]
- ↑ a b c d Notable Residents of the Stann Creek Valley
- ↑ a b c Murder in Pomona Valley, Channel 5 Belize an’n 20. November 2012