Vanessa Retreage
Vanessa I. Retreage (* 2. Juni 1981[1]) is en Avkatin un Politikerin ut Belize (UDP).
Retreage is 1981 boren. Se weer för dat Studium toeerst an dat College of Arts von de University of South Florida un hett dor Psychologie beleggt.[2] Aver se is denn wesselt an de University of the West Indies in Mona (Jamaika) un hett dor von 2001 bet 2004 Juristeree studeert un en Bachelor of Laws maakt.[3] Von 2004 bet 2006 weer se an de Norman Manley Law School in Kingston un hett dor dat Legal Education Certificate kregen.[3] Na dat Studium hett Retreage as Avkatin in de Kanzlie W.H. Courtenay & Co. arbeidt un praktizeert nu tohoop mit Aldo G. Reyes in de Kanzlie Reyes Retreage LLP in Belize-Stadt.[1][3]
Premierminister Dean Barrow hett ehr an’n 9. November 2015 as Generaalstaatsanwältin in dat Kabinett Barrow III opnahmen.[4] An’n 1. August 2016 hett se tosätzlich dat Ministerium för Natürliche Ressourcen övernahmen, över dat vörher Godwin Hulse dat Leid harr.[4] Dormit se düssen Posten övernehmen kunn, hett Barrow ehr in’n Senaat von Belize beropen, wo se den Seet von Francine Burns övernahmen hett.[5]
An’n 13. Dezember 2016 hett Retreage bekanntmaakt, dat se ehr Ämter to’n Enn von’n Maand wedder afgifft.[4] Se wull sik mehr üm Familie un de Kanzlie kümmern.[4] As Generaalstaatsanwalt hett denn Michael Peyrefitte övernahmen un den Posten as Minister för Natürliche Ressourcen Premierminister Barrow sülvs.[4]
2018 is se in dat Board of Directors von de Zentraalbank von Belize opnahmen worrn.
Footnoten[ännern | Bornkood ännern]
- ↑ a b Belize Law: List of Belize Attorneys At Law
- ↑ International Law Directory 2007. Martindale Hubbell, 2007
- ↑ a b c About Us, Reyes Retreage LLP
- ↑ a b c d e Senator Vanessa Retreage resigns from Cabinet, San Pedro Sun an’n 15. Dezember 2016
- ↑ Attorney General Vanessa Retreage sworn into office, Belize Breaking News an’n 15. August 2016
1981–1984: Said Musa | 1984: Vernon Harrison Courtenay | 1984–1986: Hubert Elrington | 1986–1989: Dean Barrow | 1989–1993: Glenn Godfrey | 1993–1998: Dean Barrow | 1998–1999: Richard Bradley | 1999–2003: Godfrey Smith | 2003–2004: Eamon Courtenay | 2004–2008: Francis Fonseca | 2008–2010: Wilfred Elrington | 2010–2012: Bernard Q. Pitts | 2012–2015: Wilfred Elrington | 2015–2017: Vanessa Retreage | 2017–2020: Michael Peyrefitte | 2020–: Magali Marin-Young