Moises Chan

Moises Chan (* 4. September 1953) is en Pastoor un Politiker ut Belize.

Chan is 1953 in Brietsch-Honduras (nu Belize) boren. Na egen Utsaag weer he in dat drüdde Johr von de High School as he in Kuntakt mit en Missionar von de mexikaansche presbyteriaansche Kark keem. Na de High School wull he toeerst Schoolmeester warrn, is denn aver doch op en Seminar wesselt, üm presbyteriaanschen Pastoor to warrn. He weer toeerst in Mexiko-Stadt, later Pastoor in Mexiko un in Belize un toletzt Pastoor von de St. Andrews Church in Belize-Stadt. 2003 is Chan as Vertreder von de Karken Maat von’n Senaat von Belize worrn. Düt Amt harr he bet Februar 2007. Sien Nafolger in’n Senaat weer denn Henry Gordon.

2007 is he na de USA gahn un hett dor för de presbyteriaansche Kark in’n Yell County (Arkansas) arbeidt. He weer Kaplaan för dat christlich präägte Ünnernehmen Tyson Foods. An de von Tyson Foods bedreven Upward Academy hett he Ünnerricht geven.

Chan is verheiraadt mit Cindy Darlene Holston. De beiden hebbt dree Kinner.