Carla Barnett
.jpg)
Carla Natalie Barnett (* 16. Februar 1958 in Belize-Stadt) is en Politikerin ut Belize (UDP). In’n August 2021 is se Generalsekretärin von de Karibische Gemeenschop (CARICOM) worrn.
Leven[ännern | Bornkood ännern]
Barnett is 1968 in Belize-Stadt boren. Se weer von 1971 bet 1975 op de St. Catherine’s Academy un denn von 1975 bet 1977 op dat St. John’s College in Belize-Stadt. Von 1984 bet 1985 hett se an de University of Western Ontario Weertschopswetenschoppen studeert un dat Studium mit en Master afslaten. 1990 hett se an de University of the West Indies in Mona (Jamaika) en Ph.D. in Weertschopswetenschoppen maakt.
Barnett weer von 1993 bet 1996 Viez-Guvernör bi de Zentraalbank von Belize un denn von 1996 bet 1998 Guvernör. Von 1999 bet 2002 hett se för de Caribbean Development Bank arbeidt un weer von 2004 bet 2006 Chief Executive Officer von dat Ministerium för Weertschopliche Entwicklung von Belize. 2006 bet 2007 weer se Finanzsekretärin in dat Ministerium för Finanzen.
Barnett is verheiraadt mit Lloyd Pandy. De beiden hebbt een Söhn un een Dochter. Barnett un Pandy sünd ok Bedrievers von Pueblo Escondido, en Resort in Lucky Strike an’n Old Northern Highway.
Politik[ännern | Bornkood ännern]
Premierminister Dean Barrow hett ehr an’n 11. Februar 2008 in’n Senaat beropen. Se is bet 2012 Senatersche bleven.
Bi de Parlamentswahl in Belize 2015 weer se Kannedatin för de UDP in’n Wahlkreis Freetown un hett 42,12 % von de Stimmen haalt. Dormit keem se op’n tweten Platz achter Francis Fonseca von de PUP un vör Elizabeth Villanueva Dena von de BPP un kunn nich in dat Repräsentantenhuus intehn.
2015 hett Dean Barrow ehr en tweet Maal in’n Senaat beropen.
Se is denn an’n 30. August 2016 Staatsministerin in dat Ministerium för Finanzen worrn un hett an’n 10. August 2017 tosätzlich noch de Opgaav as Staatsministerin in dat Ministerium för Natürliche Ressourcen tokregen.[1][2] An’n 12. Juni 2018 is Barnett as Staatsministerin in dat Ministerium för Arbeid, Lokale Verwaltung un Ländliche Entwicklung wesselt.[3]
An’n 16. August 2021 is se Generalsekretärin von de Karibische Gemeenschop worrn.
Ehren[ännern | Bornkood ännern]
To Neejohr 2004 is se Commander of the Order of the British Empire worrn.[4]
Footnoten[ännern | Bornkood ännern]
- ↑ 30. August 2016; Cabinet’s Tweaks, 7 News Belize an’n 30. August 2016
- ↑ 10. August 2017; Belize’s Cabinet undergoes reshuffling, San Pedro Sun an’n 12. August 2017
- ↑ 12. Juni 2018; Prime Minister Announces Cabinet Changes, Breaking Belize News an’n 12. Juni 2018
- ↑ Supplement No. 9, The London Gazette an’n 31. December 2003