Kenneth Tillett
Kenneth Erroll Tillett (* 19. Dezember 1940 in Crooked Tree) is en Politiker (UDP) un Diplomaat ut Belize.
Leven
[ännern | Bornkood ännern]Tillett is 1940 as Söhn von Elsie, borene Periotte, un Lionel Edward Tillett in Crooked Tree boren. He güng bet 1964 op dat Coffeyville Community College in Coffeyville (USA) un hett 1967 en Bachelor an dat Bethany Nazarene College in Bethany maakt. 1970 hett he an de Georgetown University in Washington D.C. en Master of Arts kregen.
Von 1972 bet 1975 weer he Rekter von de Nazareth High School in Belize-Stadt un denn von 1975 bet 1980 Schoolmeester an dat Wesley College in Belize-Stadt.
Tillett hett an’n 16. Juli 1966 Margaret Ellen Robinson freet.
Politik
[ännern | Bornkood ännern]Tillett weer Maat von de United Democratic Party (UDP) un von 1973 bet 1976 Generaalsekretär von de UDP.
Bi de Parlamentswahl in Belize 1974 weer he Kannedaat för de UDP in’n Wahlkreis Collet un hett 46,8 % von de Stimmen haalt. Dormit keem he op’n tweten Platz achter Vernon Harrison Courtenay von de PUP un vör Evan X Hyde von de UBAD.
He is denn aver in’n Senaat beropen worrn. Von 1974 bet 1980 weer he ok Maat von’n Stadtraad von Belize-Stadt.[1]
Bi de Wahl 1979 weer he in’n sülven Wahlkreis Kannedaat, hett gegen Courtenay 47,0 % haalt un hett wedder verloren. Dormit kunn he nich in dat Repräsentantenhuus intehn.
Von 1985 bet 1989 weer he denn Stännigen Vertreder von Belize bi de Vereenten Natschonen.