Rechtebe
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27628 | |
| Vörwahl: | 04296 | |
| Geograafsche Laag: | Koordinaten:53° 19′ N, 8° 32′ O53° 19′ N, 8° 32′ O | |
|
| ||
Rechtebe (hoochdüütsch Rechtebe) is en Dörp in de Gemeen Hagen in’n Landkreis Cuxhoben, Neddersassen. Binnen de Gemeen billt de Oort tohoop mit Wortfleet en polietsche Oortschop.
Geografie
[ännern | Bornkood ännern]De Oort liggt in de Masch von Oosterstood an dat rechte Över von de Werser. Vör Rechtebe liggt de Rechte Blangenarm von de Werser un Harriersand un op de anner Sied von’n Werserstroom de Stadt Braak.
De Naveröörd sünd Weersbe un Offenwarden in’n Noorden, Weersbermoor un Rechtebermoor in’n Noordoosten, Uthleer mit Cleve in’n Oosten, Brook in’n Süüdoosten, Aschwarden un Wortfleet in’n Süden un Harriersand in’n Westen.
Historie
[ännern | Bornkood ännern]Rechtebe kummt 1105 toeerst in en Oorkunn von’n Bremer Arzbischop Friedrich I. vör.[1]
Verwaltungsgeschicht
[ännern | Bornkood ännern]In de Franzosentied hett de Oort toeerst 1810 bet 1811 binnen dat Königriek Westfalen to de Mairie Wortfleet in’n Kanton Hagen höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Weersbe in’n Kanton Hagen.
De Oort hett vör 1885 to’n Bezirk Süüd-Oosterstood von dat Amt Hagen tohöört. Na 1885 weer dat in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.
De Oort weer fröher en egenstännige Gemeen. 1928/1929 is Rechtebe aver Deel von de Gemeen Wortfleet worrn. De Gemeen Wortfleet wedder is mit de Gemeenreform in Neddersassen an’n 1. März 1974 an de Gemeen Saans kamen. Mit’n 1. Januar 2014 is de Gemeen Saans Deel von de Gemeen Hagen worrn. Sietdem is Rechtebe wedder von Saans aflööst un billt binnen de Gemeen Hagen tohoop mit Wortfleet en Oortschop mit egen Oortsvörsteiher.
Inwahnertall
[ännern | Bornkood ännern]| Johr | Inwahners |
|---|---|
| 1791[2] | 25 Füürsteden |
| 1812[3] | 169 |
| 1824[4] | 25 Füürsteden |
| 1848[5] | 143 Lüüd, 23 Hüüs |
| 1. Dezember 1871[6] | 103 Lüüd, 22 Hüüs |
| 1. Dezember 1885[7] | 81 Lüüd, 15 Hüüs |
| 1. Dezember 1905[8] | 81 Lüüd, 16 Hüüs |
| 1. Dezember 1910[9] | 88 |
Religion
[ännern | Bornkood ännern]Rechtebe is evangeelsch-luthersch präägt un höört to dat Kaspel von de Marienkark in Weersbe.
För de Kathoolschen is de Hillig-Hart-Jesu-Kark in Geestmünn tostännig.
Weertschop un Infrastruktur
[ännern | Bornkood ännern]För Rechtebe is de freewillige Füürwehr Wortfleet mit tostännig.
Verkehr
[ännern | Bornkood ännern]Dör Rechtebe löppt de Kreisstraat 49, de in’n Oosten na Uthleer an de Landsstraat 134 ran geiht un in’n Süden na Wortfleet, Aschwarden, Rade un Ne’enkarken. In’n Noorden geiht von de K 49 de K 50 af, de över Weersbe un Offenwarden na Saans un Rechtenfleth föhrt.
De nächste Autobahn is de Autobahn 27 (Afsnidd Bremen–Bremerhoben). De Opfohrt 13 Uthleer liggt so söss Kilometer in’n Oosten von Rechtebe an de K 48.
De nächste Bahnhoff is so bi 14 Kilometer wied weg in’n Süden de Bahnhoff Farge an de Bahnlien Farge–Vesack. Dor föhrt de Lien RS 1 von de Regio-S-Bahn Bremen/Neddersassen, de von Farge bet na Veern geiht. De Bahnhoff Lübbs an de Bahnlien Bremen–Bremerhoben is so bi 19 Kilometer weg in’n Oosten. Von 1911 bet 1931 harr de Oort en egen Bahnhoff an de Nedderwerserbahn.
Scholen
[ännern | Bornkood ännern]Na School gaht de Kinner op de Grundschool Uthleer un na Hagen för de annern Schoolformen. Bet 2008 sünd de Schölers noch op de Grundschool in Weersbe gahn, de denn aver dichtmaakt hett.
Footnoten
[ännern | Bornkood ännern]- ↑ Carsten Boos: Kurhannoversche Landesaufnahme des 18. Jahrhunderts: Kassebruch. Erläuterungen zum Blatt 20 Kassebruch. Neddersassisch Landsverwaltungdamt, 1992, Sied 3
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 187
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 105
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 498
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 133
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 154
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 164
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 52
- ↑ Inwahnertallen op gemeindeverzeichnis.de
Albst (mit Büggeln) | Braamst (mit Braamst, Braamstermoor, Bremerhorn, Finn, Finterbarg, Gackau, Harndorp, Loh un Wittst) | Dörphagen | Driftseth (mit Dannendörp, Rechtenflethermoor un Wittenbarg) | Hagen (mit Börsten un Harmonie) | Hein (mit Vosloog) | Hoop (mit Seelhorn) | Kassbrook (mit Grienenbargshusen un Kassbroker Heid) | Leernst (mit Born, Düngel, Neenhusen un Seedörp) | Offenwarden (mit Offenwardermoor) | Rechtenfleth (mit Blömkenmoor, Dreptersiel un Feldhoff) | Saans (mit Saanstermoor) | Uthleer (mit Cleve un Uthleererbarg) | Weersbe (mit Weersbermoor) | Wolsbuddel (mit Heesen un Woldar) | Wortfleet (mit Rechtebe un Rechtebermoor)