Weersbe
| Wapen/Flagg | Koort | |
|---|---|---|
|
|
| |
| Basisdaten | ||
| Flach: | 9,05 km² | |
| Inwahners: | 230 (27. November 2017) | |
| Inwahnerdicht: | 25,4 Inwahners pro km² | |
| Hööchd: | 1 m över NN | |
| Postleettall: | 27628 | |
| Vörwahl: | 04702 | |
| Geograafsche Laag: | Koordinaten:53° 20′ N, 8° 32′ O53° 20′ N, 8° 32′ O | |
 | ||
|
| ||
Weersbe (hoochdüütsch Wersabe) is en Dörp in de Gemeen Hagen in’n Landkreis Cuxhoben, Neddersassen. Binnen de Gemeen billt de Oort en egen polietsche Oortschop.
To Weersbe höört ok de lüttjere Oort Weersbermoor mit to.
Geografie
[ännern | Bornkood ännern]Weersbe liggt in de Masch von Oosterstood an dat rechte Över von de Werser. Vör Weersbe liggt Harriersand un op de anner Sied von’n Stroom de Stadt Braak.
De Naveröörd sünd Offenwarden un Saans in’n Noorden, Offenwardermoor un Hagen in’n Noordoosten, Weersbermoor in’n Oosten, Uthleer in’n Süüdoosten, Rechtebe in’n Süden un Harriersand in’n Westen.
Historie
[ännern | Bornkood ännern]De Oort kummt 1110 as Wirsebe toeerst in de Oorkunnen vör.
In’n Eersten Weltkrieg sünd 17 Soldaten ut Weersbe fullen oder vermisst un in’n Tweten 44[1].
Verwaltungsgeschicht
[ännern | Bornkood ännern]Weersbe weer in de Franzosentied von 1810 bet 1813 in de Kommuun Weersbe in’n Kanton Dammhagen. Dat Dörp hett vör 1885 to’n Bezirk Süüd-Oosterstood in dat Amt Hagen tohöört. Na 1885 weer dat in’n Kreis Geestmünn. 1932 is dat Deel von’n Kreis Wersermünn un 1977 von’n Landkreis Cuxhoben worrn.
1968 is de Gemeen Weersbe Deel von de Gemeen Saans worrn. An’n 1. Januar 2014 sünd Weersbe un Saans denn tohoop Deel von de ne’e Gemeen Hagen worrn. Dorbi is de vörherige Gemeen Saans in verscheden Oortschoppen opdeelt worrn, de nu wedder de Gemenen afbillt, so as se vör 1968 bestahn hebbt. Weersbe billt sietdem en Oortschop mit egen Oortsvörsteiher.
Inwahnertall
[ännern | Bornkood ännern]| Johr | Inwahners |
|---|---|
| 1824[2] | 81 Füürsteden |
| 1848[3] | 453 Lüüd, 78 Hüüs |
| 1. Dezember 1910[4] | 357 |
| 1925[5] | 321 |
| 1933[5] | 294 |
| 1939[5] | 281 |
Religion
[ännern | Bornkood ännern]Weersbe is evangeelsch-luthersch präägt un billt mit de Marienkark en egen Kaspel.
För de Kathoolschen is de Hillig-Hart-Jesu-Kark in Geestmünn tostännig.
Wapen
[ännern | Bornkood ännern]Dat Wapen von Weersbe wiest baven en blauen Schildkopp mit dree sülvern Lelen dor op un dor ünner en Schild vörn sülver un achtern swart. Dat sülver-swarte Schild is dat Wapen von de Familie von Weersbe un de dree Lelen staht för Maria, na de de Kark von Weersbe nöömt is.
Oortsvörsteihers
[ännern | Bornkood ännern]- 1. Januar 2014–: Söhnke Hahlbom (CDU)
Kultur
[ännern | Bornkood ännern]En Denkmaal för de Fullenen ut de twee Weltkrieg’ steiht op’n Karkhoff.
Weertschop un Infrastruktur
[ännern | Bornkood ännern]De Freewillige Füürwehr Weersbe is 1901 grünnt worrn.
Verkehr
[ännern | Bornkood ännern]Weersbe liggt an de Kreisstraat 50, de in’n Noorden na Offenwarden un Saans löppt un in’n Süden na Rechtebe. De Autobahn 27 löppt so bi veer Kilometer in’n Oosten von Weersbe langs. De nächsten Opfohrten sünd de Opfohrt 12 Hagen un Opfohrt 13 Uthleer.
De nächste Bahnhoff is so bi 17 Kilometer wied weg in’n Süden de Bahnhoff Farge an de Bahnlien Farge–Vesack. Dor föhrt de Lien RS 1 von de Regio-S-Bahn Bremen/Neddersassen, de von Farge bet na Veern geiht. De Bahnhoff Lübbs an de Bahnlien Bremen–Bremerhoben is so bi 20 Kilometer weg in’n Oosten.
Von September 1911 bet 1931 harr de Oort en egen Bahnhoff an de Nedderwerserbahn.
Scholen
[ännern | Bornkood ännern]Weersbe harr noch bet 2008 en egen Grundschool, de denn aver dichtmaakt hett un nu as Kita bruukt warrt. Nu gaht de Schölers op de Grundschool Uthleer.
Lüüd
[ännern | Bornkood ännern]De Theoloog Wilfried Wolters weer von 1921 bet 1925 Pastoor in Weersbe.
Footnoten
[ännern | Bornkood ännern]- ↑ http://www.denkmalprojekt.org/2011/sandstedt-wersabe_wk1u2_ns.htm
- ↑ C. H. Jansen: Statistisches Handbuch des Königreichs Hannover. 1824, Sied 652: http://books.google.de/books?id=tG0AAAAAcAAJ&pg=PA652
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 133: http://books.google.de/books?id=eOI-AAAAcAAJ&pg=PA133
- ↑ http://www.gemeindeverzeichnis.de/gem1900/gem1900.htm?hannover/geestemuende.htm
- ↑ a b c http://www.verwaltungsgeschichte.de/wesermuende.html
Weblenken
[ännern | Bornkood ännern]
Albst (mit Büggeln) | Braamst (mit Braamst, Braamstermoor, Bremerhorn, Finn, Finterbarg, Gackau, Harndorp, Loh un Wittst) | Dörphagen | Driftseth (mit Dannendörp, Rechtenflethermoor un Wittenbarg) | Hagen (mit Börsten un Harmonie) | Hein (mit Vosloog) | Hoop (mit Seelhorn) | Kassbrook (mit Grienenbargshusen un Kassbroker Heid) | Leernst (mit Born, Düngel, Neenhusen un Seedörp) | Offenwarden (mit Offenwardermoor) | Rechtenfleth (mit Blömkenmoor, Dreptersiel un Feldhoff) | Saans (mit Saanstermoor) | Uthleer (mit Cleve un Uthleererbarg) | Weersbe (mit Weersbermoor) | Wolsbuddel (mit Heesen un Woldar) | Wortfleet (mit Rechtebe un Rechtebermoor)