Worphusen
| Wapen/Flagg | Koort | |
|---|---|---|
|
|
| |
| Basisdaten | ||
| Inwahners: | ||
| Hööchd: | 6 m över NHN | |
| Postleettall: | 28865 | |
| Vörwahl: | 04298, 04792, 04208 | |
| Geograafsche Laag: | Koordinaten:53° 11′ N, 8° 57′ O53° 11′ N, 8° 57′ O | |
|
| ||
Worphusen (hoochdüütsch Worphausen) is en Dörp in de Gemeen Leendaal in’n Landkreis Oosterholt, Neddersassen.
Geografie
[ännern | Bornkood ännern]De Oort liggt in dat Düvelsmoor. Dat Water ut dat Rebeed flütt in’n Süden över’n Tüschendorp-Worphüser Graven na de Wörp hen af un in’n Noorden över Gravens na de Semkenfohrt.
De Naveröörd sünd Nee Mooringen in’n Noorden, Moorenn in’n Noordoosten, Schrötersdörp un Wörpdörp in’n Oosten, Grasbarg, Eekdorp un Heidbarg in’n Süüdoosten, Trupermoor in’n Süden, Kloostermoor un Lüttmoor in’n Süüdwesten, Lüningsee in’n Westen un Lüninghusen in’n Noordwesten.
Historie
[ännern | Bornkood ännern]Worphusen is 1764 as findörpsche Moorkolonie in dat Düvelsmoor grünnt worrn.
In’n Eersten Weltkrieg sünd negen Soldaten ut Worphusen fullen oder vermisst.[1]
Verwaltungsgeschicht
[ännern | Bornkood ännern]In de Franzosentied hett de Oort toeerst 1810 bet 1811 binnen dat Königriek Westfalen to de Mairie Worphusen in’n Kanton Leendaal höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Leendaal in’n Kanton Leendaal.
De Oort hett vör 1885 to de Vaagdie Truup von dat Amt Leendaal tohöört. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en grötteren Kreis Oosterholt tohoopgahn is.
De Oort weer fröher en egenstännige Gemeen. De Gemeen is an’n 1. April 1929 mit Schrötersdörp to een Gemeen tohoopleggt worrn, de den Naam Gemeen Worphusen dragen hett. Düsse Gemeen hett bet to’n 1. April 1937 bestahn, as de Gemenen Moorenn, Mooringen, Westerweed un Worphusen to de Gemeen Worphusen tohoopleggt worrn sünd. Mit de Gemeenreform in Neddersassen an’n 1. März 1974 is de Gemeen Worphusen denn oplööst worrn un an de Gemeen Leendaal kamen.
Inwahnertall
[ännern | Bornkood ännern]| Johr | Inwahners |
|---|---|
| 1791[2] | 16 Füürsteden |
| 1812[3] | 92 |
| 1824[4] | 17 Füürsteden |
| 1848[5] | 128 Lüüd, 20 Hüüs |
| 1. Dezember 1871[6] | 150 Lüüd, 25 Hüüs |
| 1. Dezember 1885[7] | 167 Lüüd, 30 Hüüs |
| 1. Dezember 1905[8] | 177 Lüüd, 31 Hüüs |
| 1. Dezember 1910[9] | 182 |
| 1925[10] | 156 |
| 1933[10] | 1.090 |
| 1939[10] | 1.077 |
Religion
[ännern | Bornkood ännern]Worphusen is evangeelsch-luthersch präägt un höört to dat Kaspel von de Marien-Kark in Truup.
För de Kathoolschen is de Goden-Hirt-Kark in Leendaal tostännig, de siet 1. September 2012 to de Karkengemeen von de Hillige-Familie-Kark in Oosterholt-Scharmbeek höört. De Goden-Hirt-Kark is 1961 boot worrn.
Wapen
[ännern | Bornkood ännern]Dat Wapen von Worphusen is schraag von en sülvern Wellenbalken deelt un wiest baven achtern op swarten Grund en Buurnhuus un ünnen vörn op blauen Grund en Moorescher.
Börgermeesters
[ännern | Bornkood ännern]| Tied | Naam |
|---|---|
| –28. Februar 1974 | Diedrich Kück |
Kultur
[ännern | Bornkood ännern]En Denkmaal för de Fullenen ut’n Eersten Weltkrieg steiht in Worphusen.
Verenen
[ännern | Bornkood ännern]De Schüttenvereen Worphusen is an’n 17. Juli 1954 grünnt worrn un de Sportvereen TSV Worphusen 1949. De Theatergrupp „De Worphüser“ hett sik 1968 billt, de Vereen „De Oll’n Handwarkers ut Worphusen un annere Dörper“ 1973, de Worphüser Heimotfrünn 1977, de Schoolvereen 1993 un de Frünnkreis Kinnergoorn Worphusen 2001.
Weertschop un Infrastruktur
[ännern | Bornkood ännern]Worphusen hett en egene freewillige Füürwehr, de 1942 grünnt worrn is.
Verkehr
[ännern | Bornkood ännern]Dör Worphusen löppt de Landsstraat 153, de in’n Noorden över Worpsweed na Huttenbusch un von dor wieder na Oosterholt-Scharmbeek geiht un in’n Süden an de L 133 ran. De L 133 wedder föhrt in’n Noordoosten över Grasbarg na Tarmst un Zeven un in’n Süden över Leendaal na Bremen rin. In’n Noordoosten geiht von de L 153 de Kreisstraat 36 af, de dör Moorenn un an de K 10 löppt.
De nächste Autobahn is de Autobahn 27 (Afsnidd Bremen–Wasra). De Opfohrt 19 Horn-Leh liggt so 16 Kilometer in’n Süüdwesten von Worphusen an de Leendaler Heerstraat.
De nächste Bahnhoff is so bi 14 Kilometer wied weg in’n Noordwesten de Bahnhoff Oosterholt-Scharmbeek an de Bahnlien Bremen–Bremerhoben.
Scholen
[ännern | Bornkood ännern]De Kinner ut Worphusen gaht na de Grundschool Worphusen, de aver in Lüninghusen liggt. De Kinnergoorn Worphusen liggt glieks blangen de School.
Lüüd
[ännern | Bornkood ännern]De plattdüütsche Schriever Jürgen Ludwigs is 1936 in Worphusen boren.
Footnoten
[ännern | Bornkood ännern]- ↑ Onlineprojekt Gefallenendenkmäler
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 257
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 96
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 678
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 135
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 162
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 170
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 144
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
Weblenken
[ännern | Bornkood ännern]- Websteed över dat Dörp (hoochdüütsch)
Butendiek | Falkenbarg | Feldhusen | Heidbarg | Kloostermoor | Leendaal | Moorhusen | Seebargen | St. Jürgen | Truup | Truperdiek | Trupermoor | Worphusen