Orthosie (Maand)

Vun Wikipedia
Wesseln na: Navigatschoon, Söök

Orthosie (ok Jupiter XXXV) is en vun de lütten buteren Maanden vun den Planet Jupiter. Opdeckt weer Orthosie an’n 11. Dezember 2001 vun en Koppel vun US-amerikaanschen Astronomen ünner dat Regeer Scott S. Sheppard an de University of Hawaii. Nöömt is de Maand na Orthosie, en vun de Horen ut de greekschen Mythologie. De vörlöpige Beteken vun den Maand weer S/2001 J 9

Ümloopbahn[ännern | Bornkood ännern]

De Maand kreist op en Ümloopbahn mit en middleren Afstand vun 20.720.000 km üm den Jupiter, woför ruchweg 622 Daag un 13,44 Stünnen nödig sünd. De Bahn vun Orthosie hett en Exzentrizität vun 0,2808 un is üm 145,921 ° gegen den Äquater vun den Jupiter neegt. De Bewegen vun den Maand warrt dorüm as retrograad ansehn, dat bedüüt, dat sik de Maand gegen den de Richt vun de Rotatschoon vun den Jupiter bewegen deit. De physikaalsch Egenschoppen vun de Bahn is meist liekers as ok de Bahnen vun annere Maanden. De warrt dorüm tohopenfaat to de Ananke-Grupp, nöömt na den gröttsten Maand dorvun.

Egenschoppen[ännern | Bornkood ännern]

De Maand is mit en middleren Dörmeter vun jüst mol 2 km en vun de ganz lütten Maanden. De Böverflach vun Orthosie wiest en Albedo vun blots 0,04 op – dat heet, dat blots 4 % vun dat infallend Licht wedder torüchstrahlt warrt. Dorüm is de Maand bannig düster. De Dicht liggt bi 2,6 g/cm³. Dorut warrt vermoot, dat Orthosie tomehrst ut Silikat-Steen opboot is.