Themisto (Maand)

Vun Wikipedia
Wesseln na: Navigatschoon, Söök

Themisto (ok Jupiter XVIII) is en vun de lütten Maanden vun den Planet Jupiter.

Opdecken[ännern | Bornkood ännern]

De Maand is an’n 30. September 1975 vun de Charles Kowal un Elizabeth Roemer opdeckt worrn un hett toeerst de vörlöpige Beteken S/1975 J 1 kregen. Dat weer denn aver nich mööglich, noog Beobachten to maken, üm de Ümloopbahn nipp un nau noog to bestimmen, so dat de Maand denn wedder verschütt güng.

2000 hebbt denn Scott S. Sheppard, David C. Jewitt, Yanga R. Fernández un Eugene A. Magnier dacht, dat se en ne’en Maand opdeckt harrn, de denn S/2000 J 1 nöömt worrn is. Dat hett sik denn aver wiest, dat disse Maand de sülve wesen müss, as de, de 1975 al opdeckt worrn is.

Den offiziellen Naam hett de Maand 2002 kregen. De kummt ut de greeksche Mythologie, wo Themisto en Leevste von Zeus weer. Se weer een vun de Nereiden.

Ümloopbahn[ännern | Bornkood ännern]

Themisto hett en middleren Afstand vun’n Jupiter vun ruchweg 7.507.000 km. Een Ümloop duert ungefäähr 130 Daag. De Maandbahn is üm 47,75 ° bannig dull gegen den Äquater vun’n Jupiter neegt un hett mit 0,2420 ok en teemlich groote Exzentrizität. Dat bedüüdt, de Bahn is nich fein rund, man al teemlich in de Läng tagen. Ok de Neegen is utermatig groot. Överhööft hett de Maand ’n teemlich ungewöhnliche Bahn, wieldat he sik twüschen de Galileischen Maanden un de Himalia-Grupp ophollen deit un denn even ok disse utermatige Bahnlaag un -form opwiest.

Egenschoppen[ännern | Bornkood ännern]

Themisto hett en Dörmeter vun ruchweg 8 km. De Dicht is op 2,6 g/cm³ schätzt worrn, wat ganz ordig is. De Wetenschoplers sluut dorut, dat de Maand gröttstendeels ut Silikat-Steen besteiht. De Bavenflach hett en Albedo von 0,04 – blots 4 % von dat Licht, dat ankummt, warrt ok wedder torüchstrahlt. Dat is as bi de meisten annern Maanden ok.