Hermippe (Maand)

Vun Wikipedia
Wesseln na: Navigatschoon, Söök

Hermippe (ok Jupiter XXX) is en vun de lütten Maanden vun’n Planet Jupiter. De is an’n 9. Dezember 2001 opdeckt worrn vun en Koppel US-amerikaansche Astronomen vun de University of Hawaii ünner dat Regeer vun Scott S. Sheppard. He is na Hermippe nöömt, en vun Zeus Leefsten ut de greeksche Mythologie. De vörlöpige Beteken vun den Maand weer toeerst S/2001 J 3.

Ümloopbahn[ännern | Bornkood ännern]

De Maand Hermippe kreist op en Ümloopbahn mit en middleren Afstand vun 21.131.000 km üm den Planeten. Dorför bruukt he üm un bi 633 Daag un 22 Stünnen. De Bahn hett en Exzentrizität von 0,210 un is üm 150,17 ° gegen den Äquater vun den Jupiter kippt. De Bewegen vun den Maand is dormit retrograad, dat heet, dat sik de Maand gegen den de Richt vun de Rotatschoon vun den Jupiter bewegen deit. De physikaalsch Egenschoppen vun de Bahn is liek as en poor annere Maandbahnen ok. Disse Maanden warrt dorüm tohopenfaat to de Ananke-Grupp, nöömt na den gröttsten Maand ut de Grupp.

Egenschoppen[ännern | Bornkood ännern]

Hermippe hett en middleren Dörmeter vun man jüst 4 km un tellt dormit to de ganz lütten Maanden. De Böverflach wiest en Albedo vun blots 0,04 op – dat heet, dat blots 4 % vun dat infallend Licht wedder torüchstrahlt warrt. Dorüm is de Maand ok bannig düster. De Dicht warrt op ruchweg 2,6 g/cm³ schätzt. Dorut warrt vermodt, dat Hermippe tomehrst ut Silikat-Steen opboot is. Ok dor is de Maand liek de annern ut de Ananke-Grupp.

Bornen[ännern | Bornkood ännern]