Harpalyke (Maand)

Vun Wikipedia
Wesseln na: Navigatschoon, Söök

Harpalyke (ok Jupiter XXII) is en vun de lütten buteren Maanden vun den Planet Jupiter. Opdeckt weer de an’n 23. November 2000 vun en Koppel vun US-amerikaansche Astronomen an de University of Hawaii ünner dat Regeer vun Scott S. Sheppard. Nöömt is de Maand na Harpalyke, de in de greekschen Mythologie en Dochter vun Klymene is. Den offiziellen Naam hett de Maand. De vörlöpige Beteken vun den Maand weer S/2000 J 5.

Ümloopbahn[ännern | Bornkood ännern]

De Maand kreist op en Ümloopbahn mit en middleren Afstand vun 21.105.000 km üm den Jupiter un bruukt dorför ruchweg 625 Daag un 7 Stünnen. De Bahn hett en Exzentrizität von 0,226 un is üm 148,6 ° gegen den Äquater vun den Jupiter neegt. De Bewegen vun den Maand warrt dorüm as retrograad ansehn, dat bedüüt, dat sik Harpalyke gegen de Richt vun de Rotatschoon vun den Jupiter bewegen deit. De physikaalsch Egenschoppen vun de Bahn is wat liekers as ok de Bahnen vun annere Maanden. De warrt dorüm tohopenfaat to de Ananke-Grupp, nöömt na dissen Maand, as dat de gröttste dorvun is.

Egenschoppen[ännern | Bornkood ännern]

Harpalyke is mit en middleren Dörmeter vun blots 4 km en vun de ganz lütten Maanden. De Böverflach wiest en Albedo vun blots 0,04 op – dat heet, dat blots 4 % vun dat infallend Licht wedder torüchstrahlt warrt. Dorüm is de Maand bannig düster. De Dicht liggt bi 2,6 g/cm³. Dorut warrt vermoot, dat Harpalyke tomehrst ut Silikat-Steen opboot is, as ok de annern Maanden ut de Grupp.