Kale (Maand)

Vun Wikipedia
Wesseln na: Navigatschoon, Söök

Kale (ok Jupiter XXXVII) is en vun de ganz lütten Maanden vun den Planeten Jupiter.

De Maand is an’n 9. Dezember 2001 vun de Astronomen S. Sheppard, D. Jewitt un J. Kleyna vun de University of Hawaii opdeckt worrn. Toeerst weer he as S/2001 J 8 nöömt, later denn hett he den Naam vun Kale kregen, wat en vun de Chariten ut de greekschen Mythologie is.

Ümloopbahn[ännern | Bornkood ännern]

De Maand hett en middleren Afstand vun 23.217.000 km vun’n Jupiter un bruukt för en Ümloop 729 Daag, 11 Stünnen un 17 Minuuten. Mit en Exzentrizität von 0,2599 wiekt de Bahn bannig vun de Kringform af. Bito is de Bahn üm 164,996° gegen de Jupiter-Bahn kippt. Dormit löpt Kale retrograd, also gegen den Dreihsinn vun’n Jupiter, üm den Planeten rüm.

Von wegen disse Bahnegenschoppen warrt Kale to de Carme-Grupp rekent, de na denn gröttsten Jupiter-Maand ut disse Grupp, Carme, nöömt is. De Maanden vun de Grupp bewegt sik all op ruchweg lieke Bahnen.

Physikalsch Egenschoppen[ännern | Bornkood ännern]

De Dörmeter vun Kale is blots üm un bi 2 km, wat för en Maand bannig wenig is. Man nimmt an, dat de Maand vör allen ut Silikat-Steen besteiht, wiel de dörsnittlich Dicht so bi 2,6 g/cm³ liggt. De Maand is ok bannig düster un hett en schienbor Helligkeit vun jüst mol 23,0m. De Bavenflach reflekteert blots 4 % vun dat infallend Sünnenlicht torüch un hett dorüm en Albedo vun 0,04, as veele vun de Maanden.