Pasiphae-Grupp

Vun Wikipedia

As Pasiphae-Grupp warrt en Koppel vun Jupitermaanden tohopenfaat, de sik op teemlich lieke Ümloopbahnen üm Jupiter rüm bewegt. Nöömt is de Grupp na den Maand Pasiphae, de de gröttste vun disse Koppel is.

De groten Halfassen vun jemehr Bahnen liggt dorbi twüschen 22,8 un 24,1 Millionen Kilometers, de Exzentrizitäten sünd twüschen 0,25 un 0,43 un de Inklinatschonen – dat heet, woveel de Bahn gegen den Jupiteräquater neegt is – hebbt Weerten twüschen 144,5° un 158,3°. De Maanden sünd dorbi all torüchlöpig, bewegt sik also gegen den Dreihsinn vun de Jupiterrotatschoon.

Opstunns warrt to de Pasiphae-Grupp 13 Maanden torekent. Dat sünd mit tonehmend Afstand vun’n Jupiter:

Vergleken mit de anneren Koppels vun torüchlöpigen Maanden, de Ananke-Grupp un de Carme-Grupp, sünd de Bahnnegen bi de Pasiphae-Grupp teemlich ünnerscheedlich. Man nimmt an, dat de Koppel al wat öller is un de Bahnen vun de Liddmaten över de lange Tiet dör gravitativ Inwarken stört worrn sünd.

De Internatschonale Astronoomsche Union (IAU) vergifft för Maanden vun’n Jupiter mit en retrograde (torüchlöpige) Bahn Naams, de op e ennt.