Eukelade (Maand)

Vun Wikipedia

Eukelade (ok Jupiter XLVII) is en vun de lütten Maanden wieter buten vun den Planeten Jupiter.

Opdeckt weer Eukelade an’n 5. Februar 2003 dör en Koppel vun Astronomen ünner dat Regeer vun S. Sheppard. Toeerst weer he S/2003 J 1 nöömt, later denn hett he sien offiziellen Naam na Eukelade, een vun de Musen un Dochter vun Zeus ut de greekschen Mythologie, kregen.

Ümloopbahn[ännern | Bornkood ännern]

Eukelade löpt in en middleren Afstand von 23.661.000 km üm den Jupiter un bruukt dorför 746 Daag un 10 Stünnen. De Maandbahn hett en Exzentrizität vun 0,272 un wiekt dormit bannig vun en Kreis af. De Bahn is butendem üm 165,5° gegen den Jupiter-Äquater neegt. Dormit löpt Eukelade retrograd, also gegen den Dreihsinn vun’n Jupiter, üm den Planeten.

Vun wegen disse Bahnegenschoppen warrt de Maand to de Carme-Grupp rekent, de na denn Jupiter-Maand Carme nöömt is. Dat is de gröttste ut de Koppel.

Physikalsch Egenschoppen[ännern | Bornkood ännern]

De Dörmeter vun Eukelade is üm un bi 4 km, he is also bannig lütt. De Dicht warrt op 2,6 g/cm³ schätzt. Man nimmt an, dat de Maand vör allen ut Silikat-Steen besteiht. Eukelade is ok bannig düster. De Bavenflach reflektiert blots 4 % vun dat infallend Sünnlicht torüch. Man seggt, he hett en Albedo vun 0,04.