Pasithee (Maand)

Vun Wikipedia
Wesseln na: Navigatschoon, Söök

Pasithee (ok Jupiter XXXVIII) is en vun de lütten Maanden wieter buten vun den Planeten Jupiter.

Opdeckt weer de Maand an’n 11. Dezember 2001 dör en Koppel vun Astronomen ünner dat Regeer vun S. Sheppard. Toeerst weer he as S/2001 J 6 nöömt, later denn hett he den Naam vun Pasithee, een vun de Chariten ut de greekschen Mythologie, kregen.

Ümloopbahn[ännern | Bornkood ännern]

Pasithee löpt in en middleren Afstand von 23.096.000 km üm den Jupiter un bruukt dorför 719 Daag, 10 Stünnen un 34 Minuuten. De Maand hett en Exzentrizität vun 0,2675 un wiekt mit sien Bahn bannig vun en Kreis af. De Bahn is butendem üm 165,138° gegen de Jupiter-Bahn neegt. Dormit löpt Pasithee retrograd, also gegen den Dreihsinn vun’n Jupiter üm den Planeten.

Vun wegen disse Bahnegenschoppen warrt de Maand to de Carme-Grupp tellt, de na denn Jupiter-Maand Carme nöömt is. Dat is neemlich de gröttste ut de Koppel.

Physikalsch Egenschoppen[ännern | Bornkood ännern]

De Dörmeter vun Pasithee is üm un bi 2 km, he is also bannig lütt. De Dicht warrt op 2,6 g/cm³ schätzt. Man nimmt an, dat de Maand vör allen ut Silikat-Steen besteiht. Pasithee is ok bannig düster un hett en schienbar Helligkeit von 23,2m. De Bavenflach reflektiert blots 4 % vun dat infallend Sünnlicht torüch. Man seggt, he hett en Albedo vun 0,04.