Iocaste (Maand)

Vun Wikipedia
Wesseln na: Navigatschoon, Söök

Iocaste (ok Jupiter XXIV) is en vun de ganz lütten Maanden wieter buten vun den Planet Jupiter. Opdeckt weer Iocaste an’n 23. November 2000 vun de US-amerikaanschen Astronomen Scott S. Sheppard, David C. Jewitt, Yanga R. Fernández un Eugene A. Magnier vun de University of Hawaii. Nöömt is de Maand na Iokaste, de in de greekschen Mythologie de Mudder vun Ödipus weer. De vörlöpige Beteken vun den Maand weer S/2000 J 3.

Ümlopbahn[ännern | Bornkood ännern]

De Maand Iocaste kreist op en Ümlopbahn mit en middleren Afstand vun 21.269.000 km üm Jupiter. Dorför bruukt he ungefäähr 631 Daag un 12 Stünnen. De Bahn hett en Exzentrizität von 0,216 un is üm 149,4 ° gegen den Äquater vun den Jupiter kippt. Dormit is de Bewegen vun den Maand retrograad, dat bedüüd, dat sik de Maand gegen den de Richten vun de Rotatschoon vun den Jupiter bewegen deit. De physikaalsch Egenschoppen vun de Bahn is wat liekers as ok annere Maandbahnen. De Maanden warrt dorüm tohopenfaat to de Ananke-Grupp.

Egenschoppen[ännern | Bornkood ännern]

Iocaste is mit en middleren Dörmeter vun blots 5 km en vun de ganz lütten Maanden. De Böverflach wiest en Albedo vun blots 0,04 op – dat heet, dat blots 4 % vun dat infallend Licht wedder torüchstrahlt warrt. Dorüm is de Maand bannig düster. De Dicht liggt bi 2,6 g/cm³. Dorut warrt vermoot, dat Iocaste tomehrst ut Silikat-Steen opboot is.